سویڈن نے پاکستان کیلئے ویزا سروسز بحال کر دیں

سویڈن نے پاکستان کے دارالحکومت اسلام آباد میں اپنی ویزہ سروسز بحال کرنے کا اعلان کر دیا ہے۔ یہ پیشرفت گزشتہ ہفتے اسٹاک ہوم میں پاکستان اور سویڈن کے مابین ہونے والی دو طرفہ سیاسی مشاورت کا نتیجہ ہے۔

سویڈش سفارتخانے کے مطابق، ویزا سروسز کی بحالی کا اطلاق آج سے ہوگا، جس کے بعد پاکستانی شہری مختصر قیام (90 دن تک) کے لیے سویڈن کا سفر کرنے کے لیے اسلام آباد سے شینگن ویزا کی درخواست دے سکیں گے۔

پاکستان نے اس فیصلے کو خوش آئند قرار دیتے ہوئے کہا ہے کہ یہ اقدام دونوں ممالک کے درمیان دوطرفہ تعلقات میں بہتری اور اعتماد کے فروغ کی عکاسی کرتا ہے۔