ٹریفک خلاف ورزی پر جنید صفدر کا چالان، خوش دلی سے قبول کر لیا

لاہور: پنجاب کے دارالحکومت لاہور کے علاقے جوہر ٹاؤن میں ٹریفک قوانین کی خلاف ورزی پر پولیس نے وزیراعلیٰ پنجاب مریم نواز کے بیٹے جنید صفدر کا چالان کر دیا۔

ذرائع کے مطابق، ٹریفک قانون کی خلاف ورزی پر موجود پولیس اہلکار نے جنید صفدر کی گاڑی کو روکا اور قانون کے مطابق چالان جاری کیا۔

ذرائع کا مزید کہنا ہے کہ جنید صفدر نے چالان کو خوش دلی سے قبول کیا اور اس کی ادائیگی پر بھی رضامندی ظاہر کی۔

یہ واقعہ عوامی حلقوں میں قانون کی برابری کی علامت کے طور پر سراہا جا رہا ہے۔