جی این این سوشل

Good News For New Car Buyers | News Bulletin | 12 PM | 25 November 2023 | GNN

513 لوگوں نے یہ ویڈیو دیکھی ہے

جی این این میں ویڈیو ڈیسک آپ کو روزانہ کی تازہ ترین سرخیاں ، شوز ، پروگرام ، ایونٹس اور بہت کچھ فراہم کرے گا جب آپ اسے دیکھنا چاہتے ہیں۔

کھیل

پی ایس ایل 9، یونائیٹڈ کا کنگز کے خلاف ٹاس جیت کر فیلڈنگ کا فیصلہ

کراچی میں کھیلے جارہے میچ میں اسلام آباد یونائیٹڈ کے کپتان شاداب خان نے ٹاس جیت کر کراچی کنگز کو پہلے بیٹنگ کی دعوت دے دی

Published by Nouman Haider

پر شائع ہوا

کی طرف سے

پاکستان سپر لیگ( پی ایس ایل) سیزن 9 میں اسلام آباد یونائیٹڈ نے کراچی کنگز کے خلاف ٹاس جیت کر فیلڈنگ کا فیصلہ کیا ہے۔

کراچی میں کھیلے جارہے میچ میں اسلام آباد یونائیٹڈ کے کپتان شاداب خان نے ٹاس جیت کر کراچی کنگز کو پہلے بیٹنگ کی دعوت دے دی۔

اسلام آباد یونائیٹڈ کی ٹیم میں دو تبدیلیاں ہیں، ایلکس ہیلز اور رومان رئیس کی ٹیم میں واپسی ہوئی ہے۔

دوسری جانب کراچی کنگز کی ٹیم میں تین تبدیلیاں کی گئی ہیں، جیمز وینس، محمد اخلاق اور ڈینئل سمسز کی جگہ ٹم سیفرڈ ،ڈو پلوئے اور عامر خان کو شامل کیا گیا ہے۔

کراچی کنگز کے جیمز وینس اور ڈینئل سمسز  پیٹ خراب ہونے کی وجہ سے پلینگ الیون کا حصہ نہیں۔ 

واضح رہے کہ اسلام آباد یونائیٹڈ اب تک ٹورنامنٹ میں 4 میچ کھیل چکی ہے جس میں اسے 1 میں کامیابی اور 3 میں شکست ہوئی ہے۔

 دوسری جانب کراچی کنگز نے 3 میچ کھیلے ہیں، جس میں اس نے 2 میں کامیابی حاصل کی جبکہ ایک میچ میں اسے ہار کا مزہ چکھنا پڑا۔

پڑھنا جاری رکھیں

پاکستان

خواتین کو بائیکس دینے کی قرارداد پنجاب اسمبلی میں پیش

حکام کے مطابق موٹر سائیکلوں کی تقسیم شفاف رائے دہی کے عمل کے ذریعے کی گئی تاکہ انصاف اور رسائی کو یقینی بنایا جا سکے

Published by Web Desk

پر شائع ہوا

کی طرف سے

لاہور: پہلی قرارداد پنجاب اسمبلی میں جمع کرادی گئی ہے جس میں خواتین کے لیے پنک  بائیک کے پروگرام پر نظرثانی کا معاملہ ایوان سے اٹھانے کا کہا گیا ہے۔

مسلم لیگ ن کی ایم پی اے سعدیہ تمور نے قرارداد پیش کی ، مسلم لیگ (ن) کی حکومت نے گزشتہ دور حکومت میں ملازمت پیشہ خواتین کو بااختیار بنانے کے لیے پروگرام متعارف کرایا۔

 قرارداد میں خواتین اور لڑکیوں کی طرف سے چلائی جانے والی سیکڑوں اور ہزاروں  بائیکس  کا حوالہ بھی دیا گیا اور کہا گیا کہ یہ سکیم سستی بائیک کی فراہمی کے لیے ایک اچھا فیصلہ ہے۔


رپورٹس کے مطابق سابق حکومت نے موٹر بائیک سبسڈی اسکیم کی بھی نقاب کشائی کی، جس کا مقصد رعایتی نرخوں پر 3000 موٹر سائیکلیں پیش کرکے خواتین کی نقل و حرکت کو فروغ دینا تھا۔

حکام کے مطابق موٹر سائیکلوں کی تقسیم شفاف رائے دہی کے عمل کے ذریعے کی گئی تاکہ انصاف اور رسائی کو یقینی بنایا جا سکے۔

پڑھنا جاری رکھیں

پاکستان

ملک کے مختلف شہروں میں شدید بارشوں کی پیشگوئی

جمعرات کے روز بلوچستان، خیبر پختونخوا ، کشمیر اورگلگت بلتستان میں اکثر مقامات پر آندھی جھکڑ چلنےاور گرج چمک کے ساتھ بارش اور پہاڑوں پر برف باری کا امکان ہے

Published by Web Desk

پر شائع ہوا

کی طرف سے

آئندہ تین روز کے دوران ملک کے مختلف علاقوں میں موسلا دھار بارشوں کے امکان کے پیش نظر برساتی و مقامی ندی نالوں میں طغیانی اور پہاڑی علاقوں میں لینڈ سلائیڈنگ کے ساتھ ساتھ کمزور انفراسٹرکچر کو نقصان پہنچنے کا خطرہ ظاہر کیا گیا ہے، اس دوران شدید بارش برف باری سے رابطہ سڑکیں بند ہونے کا خدشہ ہے۔

یکم اور2 مارچ کو مری، گلیات، ناران، کاغان، دیر، سوات، کوہستان، مانسہرہ، ایبٹ آباد، شانگلہ، استور، ہنزہ، سکردو، وادی نیلم، باغ، پونچھ اور حویلی میں شدید بارش / برفباری سے رابطہ سڑکیں بند ہونے کا خدشہ ہے ۔اس دوران بالائی خیبر پختونخوا، مری، گلیات، کشمیر اور گلگت بلتستان میں لینڈسلائیڈنگ کا بھی خدشہ ہے۔آندھی/جھکڑ / گرج چمک اور تیز بار ش کے باعث کمزور انفرا سٹرکچر ( بجلی کے کھمبے،گاڑیوں سولر پینل وغیرہ)کو نقصان پہنچنے کا اندیشہ ہے۔

محکمہ موسمیات کے مطابق 29 فروری اور یکم مارچ کو موسلا دھار بارشوں کے باعث گوادر، کیچ، تربت، پنجگور، آواران، بارکھان، کوہلو، سبی، نصیر آباد، دالبندین، خضدار اور ڈیرہ غازی خان جبکہ یکم اور2 مارچ کو خیبرپختونخوا، کشمیر، مری، گلیات اور اسلام آباد/راولپنڈی کے برساتی/مقامی ندی نالوں میں طغیانی کا خدشہ ہے ۔

جمعرات کے روز بلوچستان، خیبر پختونخوا ، کشمیر اورگلگت بلتستان میں اکثر مقامات پر آندھی جھکڑ چلنےاور گرج چمک کے ساتھ بارش اور پہاڑوں پر برف باری کا امکان ہے۔

 

 

پڑھنا جاری رکھیں

ٹرینڈنگ

Take a poll