پی ٹی آئی کی بڑی وکٹ گرگئی،رکن قومی اسمبلی چوہدری عثمان علی مسلم لیگ ن میں شامل  

اسلام آباد:ساہیوال سے آزادحیثیت سے منتخب ہونےوالےتحریک انصاف کے رکن قومی اسمبلی چوہدری عثمان علی مسلم لیگ ن میں شامل ہوگئے۔ 

وزیراعظم شہباز شریف سے آزاد رکن قومی اسمبلی چوہدری عثمان علی نے ان کے آفس میں ملاقات کی۔

دوران ملاقات  وزیراعظم شہبازشریف نے چوہدری عثمان علی کو مسلم لیگ ن میں شمولیت پر مبارکباد دی۔ 

رکن قومی اسمبلی چوہدری عثمان علی نے حکومتی پالیسیوں پر اعتماد کا اظہار کیا اور آئندہ سال کے بجٹ کی قومی اسمبلی سے منظوری پر وزیراعظم کو مبارکباد دی۔

ملاقات میں متعلقہ حلقے کے امور پر بھی گفتگو کی گئی۔ملاقات میں وزیر اعظم کے مشیر رانا ثنا اللہ بھی شریک تھے۔