سعودی عرب نے پہلی بار فلسطین اتھارٹی کے لیے اپنا سفیر مقرر کردیا۔ سعودی عرب کے سفیر نائف بن بندر السدیری دو روزہ دورے پر فلسطین اتھارٹی پہنچ گئے۔

سفیر السدیری نے صدر محمود عباس کے سفارتی امور کے مشیر ماجدی الخالدی کو اردن میں قائم فلسطینی سفارت خانے میں سفارتی اسناد پیش کیں جنہیں قبول کرلیا گیا۔ اصل اسناد جلد فلسطینی صدر کے حوالے کر دی جائیں گی۔

السدیری فلسطین میں سعودی عرب کے غیر مقیم سفیر اور یروشلم میں قونصل جنرل کے طور پر کام کریں گے۔ السدیری عمان میں سعودی سفیر کے طور پر بھی خدمات انجام دے رہے ہیں۔

اس موقع پر السدیری نے کہا کہ یہ ایک اہم قدم ہے جس میں حرمین شریفین کے متولی اور ولی عہد کے فلسطین میں اپنے بھائیوں کے ساتھ تعلقات بڑھانے کے عزم کے لیے اہم مضمرات ہیں۔ اس اقدام کے مثبت نتائج ہوں گے جو سیاسی، اقتصادی اور سماجی شعبوں میں تعلقات کو منظم کرنے اور باضابطہ فروغ دینے کے لحاظ سے فلسطینیوں کو فائدہ پہنچائیں گے۔

انہوں نے مزید کہا کہ ’ہم ان تعلقات کو مزید بہتر بنانے کے لیے امید افزا مستقبل کے منتظر ہیں۔ سعودی عرب ایک فلسطینی ریاست کے قیام کے لیے کام کر رہا ہے جس کا دارالحکومت مشرقی یروشلم ہو۔

سعودی عرب کا یہ دورہ ایسے وقت میں ہوا ہے جب امریکہ، اسرائیل اور سعودی عرب کے درمیان مذاکرات کی قیادت کر رہا ہے۔

ماجدی الخالدی کا کہنا تھا کہ یہ اقدام دونوں برادر ممالک اور ان کے لوگوں کے درمیان تعلقات کو مضبوط بنانے میں معاون ثابت ہوگا۔

سندھ حکومت نے ہنرمند مزدور طبقے کی کم از کم تنخواہ 33 ہزار 300 روپے مقرر کردی گئی ۔

سندھ حکومت کا کہنا ہے کہ حکومت کے اس اقدام پر عمل درآمد نہ کرنے والوں کے خلاف قانونی کاروائی عمل میں لائی جائے گی ۔

غیر ہنر مند مزدوروں کی تنخواہ 32000 روپے مقرر کردی گئی ، فیکٹری مالکان اب کم از کم 32000 روپے پر ملازم رکھ سکیں گے ۔

سندھ حکومت نے ہنر مند ورکرز کی ماہانہ اجرت 33ہزار 280 روپے مقرر کردی#GNN #NewsUpdates #BreakingNews #GNN_Updates pic.twitter.com/WBAPBnEgWH

— GNN (@gnnhdofficial) September 26, 2023

اس حکومتی فیصلے کا اطلاق جولائی 2023 سے کردیا گیا ہے ، ذوالفقار علی نامی  ورکرز  چیئرمین کی جانب سے احکامات جاری کیے گئے ہیں کہ جن فیکٹری مالکان کو اس فیصلے پر اعتراض ہے وہ اپنے اعتراضات 14 روز کے اندر جمع کروائیں ، بصورت دیگر کم ازکم 33 ہزار تنخواہ ادا کرنا ہوگی ۔

اسلام آباد : پولیس عمران خان کو لے کر اڈیالہ جیل منتقل کرنے کے لیے روانہ ہو گئی، میڈیا ذرائع کے مطابق  قافلےمیں 15 اسلام آبد پولیس کی گاڑیاں اور 2 بکتربند گاڑیاں شامل ہیں ۔

اٹک جیل حکام کا کہنا ہے کہ اسلام آباد پولیس کی بھاری نفری چیئرمین پی ٹی آئی کو لےکر براستہ موٹر وے اسلام آبد کی جانب روانہ ہوچکی ہے ۔

پولیس حکام کے مطابق چیئرمین پی ٹی آئی کو اڈیالہ جیل منتقل کیا جائے گا ۔

یاد رہے کہ چیئرمین پی ٹی آئی نے کورٹ کے احکامات کے باوجود اڈیالہ جیل میں منتقل ہونے سے انکار کیا تھا ۔