جی این این سوشل

جی این این میں ویڈیو ڈیسک آپ کو روزانہ کی تازہ ترین سرخیاں ، شوز ، پروگرام ، ایونٹس اور بہت کچھ فراہم کرے گا جب آپ اسے دیکھنا چاہتے ہیں۔

پاکستان

ملک کے بیشتر علاقوں میں موسم سرد اور خشک رہے گا

بالائی علاقوں میں ہلکی بارش اور پہاڑوں پر ہلکی برف باری کا امکان

Published by Baqar Gillani

پر شائع ہوا

کی طرف سے

اسلام آباد: ملک کے بیشتر علاقوں میں موسم سرد اور خشک رہے گا جبکہ بالائی علاقوں میں چند مقامات پر تیز ہواؤں اور گرج چمک کے ساتھ ہلکی بارش اور پہاڑوں پر ہلکی برف باری کا امکان ہے۔

محکمہ موسمیات کے مطابق جمعرات کے روز ملک کے بیشتر علاقوں میں موسم سرد اور خشک جبکہ بالائی علاقوں میں شدید سرد رہے گا تاہم بالائی خیبر پختونخوا ،گلگت بلتستان ، کشمیر اور ملحقہ پہاڑی علاقوں میں چند مقامات پر تیز ہواؤں اور گرج چمک کے ساتھ ہلکی بارش اور پہاڑوں پر ہلکی برف باری کا امکان ہے۔گزشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ بالائی علاقوں میں شدید سردرہا تاہم بالائی خیبر پختونخوا ،کشمیر اورملحقہ پہاڑی علاقوں میں چند مقامات پر بارش اور پہاڑوں پر برف باری ہوئی ہے ۔

سب سے زیادہ بارش خیبرپختونخوا میں کاکول 8، پنجاب میں مری 4، کشمیر میں راولاکوٹ میں ایک ملی میٹر بارش ریکارڈ ہوئی۔ اس دوران مری میں 0.5 انچ بر ف باری ریکارڈ ہوئی۔ بدھ کو ملک میں کم سے کم درجہ حرارت لہہ منفی14،کا لام منفی 13 ،استور منفی 9، سکر دو منفی 6، گوپس منفی 5،مالم جبہ ، بگروٹ ، ہنزہ منفی 4،راولاکوٹ ، چترال، دیر منفی 3، مری اور گلگت میں منفی 2ڈگری سینٹی گریڈ ریکارڈ کیا گیا۔

 

 

پڑھنا جاری رکھیں

صحت

146 ادویات کی قیمتوں میں اضافہ کردیا گیا

دواؤں کی قیمتوں پر وفاقی حکومت اور ڈریپ کا کنٹرول ختم

Published by Baqar Gillani

پر شائع ہوا

کی طرف سے

حکومت نے جان بچانے والی 146 ادویات کی قیمتوں میں اضافہ کردیا گیا، نوٹیفکیشن جاری کردیا گیا۔ دواؤں کی قیمتوں پر وفاقی حکومت اور ڈرگ ریگولیٹری اتھارٹی کا کنٹرول بھی ختم ہوگیا۔ اب دواساز ادارے اورڈسٹری بیوٹرز اپنی مرضی سے ادویات کی قیمتیں مقرر کر سکیں  گے۔

وفاقی حکومت نے ایک طرف دواؤں کی قیمتوں پر کنٹرول ختم کرنے کا اعلان کردیا جبکہ دوسری جانب 146 دواؤں کی قیمتوں میں اضافہ کر دیا۔ زیادہ ترادویات 20 سے 70 فیصد تک مہنگی کی گئیں، بعض کی قیمتیں دو گنا جبکہ دو تین کی چار گنا کر دی گئیں۔

ٹی بی، بلڈ پریشر ، بخار ، دل کی بیماری ، جسم درد ، بچوں کی ویکسین اور آپریشن میں استعمال ہونے والی ادویات شامل ہیں ۔ وفاقی کابینہ نے دو ہفتے پہلے ان ادویات کی قیمتیں بڑھانے کی منظوری دی تھی ۔ نوٹیفکیشن وزارت قومی صحت نے جاری کیا ۔

دوسری جانب نگرن وفاقی کابینہ نے ادویات کی قیمتوں پر حکومتی کنٹرول ختم کرنے کی منظوری  دیدی۔ آئندہ 98 فیصد ادویات کی قیمتیں دواساز ادارے خود مقرر کرنےکے مجاز ہوں گے۔ صرف دو فیصد لازمی ادویات کی قیمتوں کے تعین کا اختیار ڈریپ کو حاصل ہو گا۔ وفاقی کابینہ کی منظوری کے بعد وزارت قومی صحت نےنوٹیفکیشن جاری کر دیا ۔ وفاقی کابینہ نے یہ فیصلہ ڈرگ ایکٹ 1976 کی شق 12 کے تحت کیا ہے۔

پڑھنا جاری رکھیں

دنیا

حرمین الشریفین تصاویر یا سیلفی بنانے سے گریز کریں ، سعودی وزارت حج و عمرہ

فوٹو گرافی یا سیلفی میں اپنا قیمتی وقت ضائع نہ کریں

Published by Baqar Gillani

پر شائع ہوا

کی طرف سے

ریاض: سعودی عرب کی وزارت حج و عمرہ نے زائرین سے کہا ہے کہ زائرین حرمین الشریفین کے آداب کو ملحوظ رکھتے ہوئے تصاویر یا سیلفی بنانے سے گریز کریں۔

اردو نیوز کے مطابق وزارت حج و عمرہ نے ایکس پر جاری بیان میں کہا کہ مسجد الحرام اور مسجد نبوی میں داخل ہوتے ہوئے تصاویر یا سیلفی بنانے سے گریز کریں۔وزارت نےکہا کہ زائرین طواف، سعی اور نماز کے دوران اور فوٹو گرافی کرتے ہوئے دوسری کی پرائیویسی کا خیال کریں اور کسی کو الجھن میں نہ ڈالیں۔

وزارت نے زائرین سے کہا کہ وہ مسجد الحرام اور مسجد نبوی میں یکسو ہوکرعبادت کریں اور فوٹو گرافی یا سیلفی میں اپنا قیمتی وقت ضائع نہ کریں۔

 

 
 
 

پڑھنا جاری رکھیں

ٹرینڈنگ

Take a poll