ملک میں کورونا سے مزید 74اموات، 1563 نئے کیسز رپورٹ

اسلام آباد :عالمی وبا کورونا وائرس کی دوسری لہر کے دوران پاکستان میں ایک روز میں‌ مزید 74 مریض انتقال کرگئے، جبکہ گزشتہ 24 گھنٹوں میں ایک ہزار563نئے کیسز رپورٹ ہوئے ہیں ۔

تفصیلات کے مطابق ملک بھرمیں کورونا کی دوسری  لہر جاری ہے ، نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق گزشتہ 24 گھنٹوں میں کورونا سے مزید74 افراد چل بسے جس کے بعد اموات کی مجموعی تعداد11 ہزار450ہوگئی ہے ۔ ملک میں‌ اب تک کورونا کے5لاکھ 37ہزار477کیسزرپورٹ ہوچکے ہیں جبکہ  فعال کیسز کی تعداد33ہزار820 ہے ۔

 

 پنجاب

 پنجاب میں کورونا مریضوں کی تعداد د 1 لاکھ 55ہزار214 ہوگئی ۔ جبکہ صوبے میں اب تک 4 ہزار646 افراد جان سے ہاتھ دھو بیٹھے ہیں ۔

 

سندھ

سندھ میں کورونا وائرس سے سب سے زیادہ متاثرہ مریضوں کی تعداد 2 لاکھ 42ہزار793 ہو گئی جبکہ صوبے میں اب تک 3 ہزار925 افراد جان کی بازی ہار گئے ۔

 

خیبرپختون خوا

خیبرپختون خوا میں کورونا وائرس سے متاثرہ مریضوں کی تعداد 61ہزار648 ہوچکی ہے ۔ صوبے میں 1743افراد چل بسے۔

 

بلوچستان

بلوچستان میں کورونا وائرس کے اب تک 18ہزار 765کیسز رپورٹ ہوئے ہیں جبکہ صوبے میں 193 مریض چل بسے ۔

 

اسلام آباد

وفاقی دارالحکومت اسلام آباد میں مجموعی طورپرمتاثرہ افراد کی تعداد 40ہزار972، جبکہ اموات کی تعداد 469 تک جاپہنچی ۔

 

گلگت بلتستان

گلگت بلتستان میں اب تک 4 ہزار 903 افراد کورونا کا شکار ہوئے ہیں جبکہ 102افراد جان سے ہاتھ دھو بیٹھے ۔

 

آزاد کشمیر

آزاد جموں کشمیرمیں کورونا سےمتاثرہ افراد کی تعداد 8 ہزار877 ہوچکی ہے جبکہ258 افراد جان کی بازی ہار گئے ۔

 ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، ملک میں صحت یاب ہونے والے افراد کی تعداد 4 لاکھ 92ہزار  207ہوگئی ہے ، ملک بھر میں کورونا کے 41ہزار 285 ٹیسٹ کیے گئے ہیں ۔ ملک بھر میں 615 اسپتالوں میں کورونا کے مریضوں کےلیے سہولیات ہیں ۔