باجوڑ: اے این پی کی گاڑی پر خودکش حملے میں 2 افراد جاں بحق، 4 زخمی

ڈی پی او باجوڑ عبدالصمد خان نے لوکل میڈیا کو بتایا کہ خودکش حملے میں اے این پی ورکر کی گاڑی کو نشانہ بنایا گیا، جس میں 2 افراد جاں بحق اور 4 زخمی ہوئے۔

انہوں نے کہا کہ دھماکا پاک ۔ افغان سرحد کے قریب سور قمر علاقے میں لاغرے تھانے کی حدود میں ہوا۔

ان کا کہنا تھا کہ پولیس اور دیگر قانون نافذ کرنے والے اداروں کے اہلکار جائے وقوع پر پہنچ چکے ہیں۔

ڈی پی او نے اس تاثر کو رد کیا کہ پولنگ اسٹیشن کے قریب ہوا جہاں بلدیاتی انتخابات کے لیے ووٹنگ جاری ہے۔

انہوں نے کہا کہ جس مقام پر حملہ کیا گیا وہ پہاڑی علاقہ ہے، خودکش بمبار اچانک آیا اور خود کو دھماکے سے اڑا لیا۔

دھماکے کی ذمہ داری اب تک کسی نے قبول کرنے کا دعویٰ نہیں کیا ہے۔

کل سے تمام امیدوران ووٹ لینے دینے کی کھیل میں مصروف ہے لیکن عوامی نشنل پارٹی کے امیدواران بم دھماکوں اور ٹارگٹ کلنگ کی زد میں ۔?
ڈی ائی حان کے بعد اج باجوڑ کمرسر ماموند میں عوامی نیشنل پارٹی کے گاڑی پر بم دھماکہ 2 افراد شہید 4 زخمی۔@ManzoorPashteen @NiamatUllahWaz7 pic.twitter.com/IMFQOkuVWv

— Fazal Rehman Wazir (@Fazal_waxeer) December 19, 2021