آرمی چیف جنرل قمر جاوید باجوہ کی جرمن سفیر سے ملاقات

آئی ایس پی آر کے مطابق  آرمی چیف جنرل قمر جاوید باجوہ سے جرمنی کے سفیر کی ملاقات طے پائی جس میں مجموعی علاقائی صورتحال، دوطرفہ دفاعی تعاون اور باہمی دلچسپی کے امور پر تبادلہ خیال کیا گیاہے۔

آرمی چیف جنرل قمر جاوید باجوہ کا کہنا تھا کہ ''پاکستان اپنے جرمنی کے ساتھ تعلقات کو بہت اہمیت دیتا ہے''۔ آرمی چیف نے پانچویں پاک جرمن سٹریٹجک ڈائیلاگ کے انعقاد کو سراہا اور  باھمی فائدہ مند دوطرفہ تعلقات کی امید کا اظہار کیا۔

آرمی چیف اور جرمن سفیر کے درمیان افغان امن عمل پر بھی تبادلہ خیال کیا گیا جبکہ جرمن سفیر نے خطے میں امن و استحکام کے لئے پاکستان کی کوششوں کو تسلیم کرتے ہوئے باھمی تعلقات کے فروغ کے عزم کا اظہار کیا۔