سونا مزید سستا ہوگیا

سندھ صرافہ ایسوسی ایشن کے مطابق عالمی مارکیٹ میں قیمت کم ہونے کی باعث پاکستان میں سونے کی فی تولہ قیمت ایک ہزار نو سو روپے کی کمی سے ایک لاکھ چار ہزار دو سو روپے رہ گئی، دس گرام سونا ایک ہزار چھ سو انتیس روپے کی کمی سے نواسی ہزار تین سو پینتیس روپے کا ہو گیا، جبکہ 22 کیرٹ سونے کی قیمت اکاسی ہزار آٹھ سو نوے روپے فی دس گرام ہو گئی، عالمی مارکیٹ میں ٹریڈنگ کے دوران سونے کی فی اونس قیمت میں دس ڈالر کی کمی ریکارڈ کی گئی۔

 ماہرین کے مطابق امریکن بانڈز کی شرح منافع اور ڈالر کی قدر میں اضافے کے باعث سونے کی قیمت کم ہو کر نو ماہ کی کم ترین سطح پر آ گئی۔