ہنگو گھر میں گیس بھر جانے سے 6 افراد جاں بحق

تفصیلات کے مطابق ہنگو کی گلشن کالونی میں ایک گھر میں گیس بھر جانے سے 6 افراد جاں بحق ہو گئے، جاں بحق افراد میں 3 بچے بھی شامل ہیں۔

ریسکیو حکام کے مطابق جاں بحق ہونے والے افراد رات کو گیس کا ہیٹر لگا کر سوئے تھے جس کے باعث کمرے میں گیس بھر گئی اوردم گھٹنے سے ہلاکتیں ہوئی۔

جاں بحق افراد میں تین بچوں سمیت ایک مرد اور دو خواتین بھی شامل ہیں۔

پولیس نے تمام افراد کی لاشیں اسپتال منتقل کر کے مزید تفتیش شروع کر دی ہے۔