عامر لیاقت حسین کی طبیعت  ناساز، ہسپتال منتقل 

تفصیلات کے مطابق گزشتہ رات پی ٹی آئی رہنما اور معروف میزبان  عامر لیاقت کے ٹوئٹر اکاؤنٹ سے جاری ایک بیان میں بتایا گیا ہے کہ عامر لیاقت کو طبیعت ناساز ہونے پر کراچی کے ساؤتھ سٹی اسپتال میں داخل کرایا گیا ہے ۔ 

عامر لیاقت حسین کی حالت تشویش ناک ساؤتھ سٹی اسپتال منتقل کیا جارہا ہے

— Aamir Liaquat Husain (@AamirLiaquat) December 30, 2021

عامر لیاقت نے ایک اور ٹوئٹ میں بتایا کہ الحمد للّٰہ  میری حالت خطرے سے باہر ہے، وزیراعظم کا شکر گزار ہوں جنہوں نے میری صحت سے متعلق تشویش کا اظہار کیا ۔ عامر لیاقت  نے ہسپتال  کے باہر جمع ہونے والے  چاہنے والوں  سے درخواست کی  کہ وہ اپنے اپنے گھروں کو واپس روانہ ہوجائیں ۔

الحمد للہ رب العالمین میری حالت خطرے سے باہر ہے وزیراعظم کا مشکور ہوں جنہوں نے میری صحت سے متعلق تشویش کا اظہار کیا تمام اہل پاکستان کا ہاتھ جوڑ کر شکریہ بالخصوص بانیان پاکستان کی اولادوں کا جو اسپتال کے باہر بڑی تعداد میں جمع ہوگئے ہیں ملتمس ہوں اپنے اپنے گھروں کو روانہ ہوجائیں

— Aamir Liaquat Husain (@AamirLiaquat) December 30, 2021

تاہم عامر لیاقت نے ٹوئٹر اکاؤنٹ پر اپنی بیماری کے حوالے سے کچھ نہیں بتایا۔ 

 دوسری جانب پی ٹی آئی ویمن ونگ کراچی کی انفارمیشن سیکریٹری فوزیہ صدیقی نے بھی عامر لیاقت کی اسپتال میں کھینچی گئی تصویر ٹوئٹر پر شیئر کی ۔ 

دعائے صحت کی اپیل
ایم این اے ڈاکٹر عامر لیاقت حسین شدید علالت کے باعث نجی ہسپتال میں داخل اللہ پاک ڈاکٹر عامر لیاقت حسین کو صحت کاملہ عطا فرمائے آمین۔@AamirLiaquat pic.twitter.com/6uRjWcpZau

— Fauzia Siddiqui (@fozisidd) December 30, 2021

واضح رہے تحریک انصاف کے ٹکٹ پر کراچی سے منتخب ہونے والے ایم این اے عامر لیاقت حسین کراچی کے مسائل پر کھل کر وزیراعظم عمران خان سے تحفظات کا اظہار کرتے رہے ہیں اور انہوں نے متعدد بار اپنا استعفیٰ بھی وزیراعظم کو پیش کیا جو قبول نہیں کیا گیا۔