جعلی عامل نے بلیک میل کر کے خاتون سے 50 لکھ ہتھیالیے

تفصیلات کے مطابق فیڈرل انویسٹی گیشن ایجنسی (ایف آئی اے )  سائبرکرائم ونگ لاہور نے  بڑی کارروائی کرتے ہوئے  آن لائن عامل کو گرفتار کرلیا ہے۔

ایف آئی اے کا کہنا ہے کہ  جعلی عامل صدام حسین نے انٹرنیٹ پر اپنا بلاگ بنا رکھا تھا،  جعلی عامل آن لائن ہو کر خواتین کو اپنے جال  میں پھنساتا تھا، جعلی عامل نے لاہور کی ایک خاتون سے 50 لاکھ ہتھیائے،  خاتون  نے گھریلو حالات سے دلبرداشتہ ہوکر آن لائن عامل سے رابطہ  کیا۔

ایف آئی اے  کے مطابق  جعلی عامل نے خاتون سے اس کے شوہر کے ساتھ نازیبا تصاویر منگوائی اور بلیک میل کرنا شروع کر دیا، ایف آئی اے نے جعلی عامل  کے خلاف مقدمہ درج کرلیا ہے۔