پی ڈی ایم اے سندھ نے 4 سے 7 جنوری تک بارشوں کا الرٹ جاری کر دیا

تفصیلات کے مطابق صوبہ سندھ میں آج سے 7 جنوری تک تیز ہواؤں کے ساتھ بارش کا امکان ہے، پی ڈی ایم اے سندھ نے 4 سے 7 جنوری تک بارشوں کا الرٹ جاری کر دیا۔

پی ڈی ایم اے سندھ کی جانب سے جاری کردہ مراسلے کے مطابق آج 4 جنوری سے 7 جنوری کے دوران ضلع دادو، جامشورو، شہید بے نظیر آباد، جیکب آباد، شکارپور، سکھر، لاڑکانہ،قمبر-شہدادکوٹ، خیرپور، سانگھڑ، بدین، ٹھٹھہ، میرپورخاص، ٹنڈوالھیار، ٹنڈو محمد خان، عمرکوٹ، تھر پارکر، حیدرآباد، اور کراچی، کے اضلاع میں بھی تیز ہواؤں کے ساتھ طوفانی بارش کا امکان ہے۔

پی ڈی ایم اے سندھ کی جانب سے ممکنہ متاثرہ اضلاع کی انتظامیہ کو الرٹ رہنے اور ضروری انتظامات کرنے کی ہدایت کی گئی ہے۔