سیکیورٹی فورسز کی شمالی وزیر ستان میں خفیہ اطلاعات پر کارروائی، 8دہشت گرد ہلاک

پاکستانی فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے خفیہ طلاعات پر شمالی  وزیرستان میں دو الگ الگ مقامات پر آپریشن کیا۔ فائرنگ کے تبادلے کے دوران 3 دہشت گرد کمانڈر عبدالعنیر الیاس (ٹی ٹی پی طوفان گروپ) ، جنید الیاس (ٹی ٹی پی طارق گروپ) اور خالد شادین عرف ریحان (ٹی ٹی پی صادق نور گروپ) سمیت 8 دہشتگرد ہلاک ہوگئے۔

آئی ایس پی آر کے مطابق  یہ دہشت گرد سکیورٹی فورسز ، لاء انفورسمنٹ ایجنسیوں اور علاقے کے مقامی لوگوں کے خلاف 2009 کے بعد سے دہشت گرد کارروائیوں  میں ملوث رہے ہیں، جن میں آئی ای ڈی  حملوں ، فائرنگ ، ٹارگٹ کلنگ ، اغوا برائے تاوان اور بھتہ خوری شامل ہے۔ یہ دہشت گرد علاقے میں دہشت گردوں کی بھرتی میں بھی ملوث تھے۔ سیکیورٹی فورسز نے ٹھکانوں سے اسلحہ کا بھاری ذخیرہ برآمد کیا۔