مری میں سڑکوں پر برف پھینک کر سیاحوں سے مدد کے بہانے رقم بٹورنے والا ملزم گرفتار

تفصیلات کے مطابق مری میں سڑکوں پر برف پھینک کر سیاحوں سے مدد کے بہانے رقم بٹورنے والا ملزم گرفتار کرلیا گیا۔پولیس کا کہنا ہے کہ  ملزم ثاقب عباسی کو سیاحوں کی نشاندہی پر گرفتار کیا  گیا،ملزم کے  زیر استعمال جیپ بھی قبضہ میں لے لی ہے۔

سی پی او راولپنڈی ساجد کیانی کا کہنا ہے کہ  ملزم کے دیگر ساتھیوں اور سہولت کاروں کو بھی جلد گرفتار کیا جائےگا، سیاحوں کی مجبوری کا فائدہ اٹھانے والے قانون کی گرفت سے نہیں بچیں گے۔ 

خیال رہے کہ سیاحوں کی شکایات سامنے آنے پر سی پی او ساجد کیانی نے نوٹس لیتے ہوئے ملزمان کی گرفتاری کا حکم دیا تھا۔