انارکلی دھماکہ: تھانہ سی ٹی ڈی میں دہشتگردی کا مقدمہ درج

تفصیلات کے مطابق  انارکلی پان منڈی میں ہونے والے دھماکے کا مقدمہ تھانہ سی ٹی ڈی میں درج کر لیا گیا،  ایس ایچ او تھانہ سی ٹی ڈی انسپکٹر عابد بیگ کی مدعیت میں مقدمہ درج کیا گیا ہے۔

مقدمے میں 7ATA، 3/4 ایکسپلوزو ایکٹ، 302، 324، 120B،اور دفعہ 109شامل ہے۔جائے وقوعہ سے تفتیشی ٹیموں کو بال بیرنگ اور دیگر مواد ملا،  تخریب کاری کے دوران آگ لگنے سے موٹر سائیکلیں اور دیگر سامان جل کر تباہ ہو گیا۔

مقدمے میں 3 نامعلوم  دہشتگردوں کا ذکر کیا گیا ہے۔دہشتگردی کی کارروائی کے لیےآئی ای ڈی مواد استعمال کیا گیا، دھماکہ خیز مواد رکھنےکے لیے دہشتگرد موٹر سائیکل پر آئے۔