ملائیشین سابق وزیراعظم مہاتیر محمد کی حالت تشویشناک، دوبارہ ہسپتال داخل

غیر ملکی میڈیا کے مطابق 96 سالہ سابق وزیراعظم کو دل میں تکلیف کے باعث کوالالمپور میں قومی ادارہ برائے امراض قلب میں دوبارہ منتقل کیا گیا ہے جہاں ان کی حالت تشویشناک بتائی جا رہی ہے۔

ملائیشین میڈیا کے مطابق 96 سال کی عمر میں قابل رشک صحت کے حامل رہنما کی علالت کی خبر سن کر ہزاروں کی تعداد میں ان کے حامی ہسپتال کے باہر جمع ہوگئے۔

ہسپتال کے ترجمان نے بتایا کہ سابق وزیراعظم کو سینے میں درد کی شکایت پر لایا گیا اور کورونری کیئر یونٹ میں ان کا علاج جاری ہے۔

یاد رہے کہ اس سے قبل بھی مہاتیر محمد کو 7 جنوری سے ہسپتال میں داخل کرایا گیا تھا جس کے بعد انہیں 13 جنوری کو ہسپتال سے فارغ کیا گیا تھا۔