جی این این سوشل

پاکستان

کورونا کے وار مزید تیز ، سروسز ہسپتال لاہور کے15 ڈاکٹر کورونا کا شکار

لاہور: ملک میں وائرس کا پھیلاؤ تیرہ فیصد ہوگیا۔

پر شائع ہوا

کی طرف سے

کورونا کے وار مزید تیز ، سروسز ہسپتال لاہور کے15 ڈاکٹر کورونا کا شکار
جی این این میڈیا: نمائندہ تصویر

تفصیلات کے مطابق ملک میں کورونا سنگین شکل اختیار کرنےلگا ہے۔ چوبیس گھنٹے میں  سات ہزار586 افراد میں  وائرس کی تشخیص ہوئی۔دوسروں کی زندگیاں  بچانے والے بھی  کورونا کے نشانے پر آگئے۔ سروسز ہسپتال لاہور کے 15 ڈاکٹروں  کی ٹیسٹ رپورٹ مثبت آگئی۔

ملک  میں  کورونا  کے مثبت  کیسز کی شرح تیرہ فیصد  تک پہنچ گئی ہے۔ کراچی میں  وائرس کا پھیلاؤ 42 اعشاریہ 31 فیصد ریکارڈ کیا گیا ہے۔  حیدرآباد میں  مثبت کیسز کی شرح  سولہ فیصد رہی۔

پنجاب میں بھی وبا کے حملے  کم نہیں۔ صوبے میں کورونا  پازیٹو آنے کا تناسب نواعشاریہ دو فیصد ہے جبکہ لاہور یہ شرح چودہ اعشاریہ چار فیصد جبکہ راولپنڈی میں  انیس اعشاریہ آٹھ فیصد ریکارڈ کی گئی ہے۔

ادھرپنجاب میں اومی کرون کے نئے 93 کیس  سامنے آگئے ہیں۔ لاہور میں مزید 84 افراد میں کورونا کے نئے ویرینٹ کی تصدیق ہوئی ہے۔موذی وائرس  مزید بیس زندگیاں نگل گیاہے۔ ملک میں فعال کیسز70 ہزار263 ہوگئےہیں۔

موذی وائرس کا پھیلاؤ روکنے کےلیے  اسلام آباد انتظامیہ سنجیدہ نظر نہیں آرہی۔شہر  کے مختلف سیکٹرز کی 24 گلیاں سیل کرنے کا نوٹیفکیشن  جاری کیا گیا مگر اس پر عملدرآمد  کرانا بھول گئی۔ 

کراچی  کےضلع وسطی کے 4ٹاؤنز میں مائیکرواسمارٹ لاک ڈاؤن کردیا گیا ہے۔105 گھروں میں پانچ فروری تک  پابندیاں برقراررہیں گی۔

جرم

بہاولنگر: پتی چوری کے الزام پردکانداروں کیجانب سےخواتین کی سرعام تذلیل

بہاولنگر کے علاقے ہارون آباد کے بازار میں دکانداروں نے خواتین پر مبینہ چوری کا الزام لگا کر  ان کی سرعام تذلیل کی اور خود ہی عدالت لگاتے ہوئے انصاف و قانون کی دھجیاں اڑا دیں۔

پر شائع ہوا

Raja Sheroz Azhar

کی طرف سے

بہاولنگر: پتی چوری کے الزام پردکانداروں کیجانب سےخواتین کی سرعام تذلیل

رپورٹ کے مطابق ہارون آباد کے بازار میں دو خواتین کی جانب سے مبینہ طور پر چائےکی پتی کا پیکٹ چوری کرنے پر دکانداروں نے اپنی عدالت لگالی۔

دکاندار خواتین کو ان ہی کے دوپٹے سے باندھ کر بازار میں ننگے سرگھسیٹتے رہے اور انہیں ہراساں کرتے رہے۔

واقعےکی اطلاع پر پولیسں موقع پر تو پہنچی لیکن لیڈیز پولیسں کی عدم موجودگی میں خواتین کو پیدل تھانے لے جایا گیا۔

پولیسں کا کہنا ہےکہ خواتین پر چائے کی پتی کا پیکٹ چوری کرنےکا الزام ہے، معاملے کی تحقیقات کر رہے ہیں، ذمہ داروں کے خلاف قانون کے مطابق کارروائی کی جائےگی۔

پڑھنا جاری رکھیں

دنیا

بھارتی فورسز کی ریاستی دہشتگردی، مزید دو کشمیری نوجوان شہید

قابض بھارتی فوج نے آج ضلع اسلام آباد میں محاصرے اور تلاشی کی آڑ میں دونوں کشمیری نوجوانوں کو شہید کیا۔

پر شائع ہوا

Raja Sheroz Azhar

کی طرف سے

بھارتی فورسز کی ریاستی دہشتگردی، مزید دو کشمیری نوجوان شہید

مقبوضہ کشمیر میں قابض بھارتی فورسز نے ریاستی دہشت گردی کا سلسلہ جاری رکھتے ہوئے آج مزید دو کشمیری نوجوانوں کو شہید کردیا۔

یاد رہے کہ قابض بھارتی فورسز کی بربریت سے چار روز میں شہید ہونے والے کشمیری نوجوانوں کی تعداد 12 ہوگئی۔

قابض بھارتی فوج نے آج ضلع اسلام آباد میں محاصرے اور تلاشی کی آڑ میں دونوں کشمیری نوجوانوں کو شہید کیا۔ محاصرے کے دوران علاقے کے داخلی خارجی راستے بند کر کے گھر گھر تلاشی بھی لی گئی۔

بتایا جاتا ہے کہ قابض انتظامیہ نے علاقے میں انٹرنیٹ سروس بھی معطل کردی، آخری اطلاع آنے تک علاقے میں قابض بھارتی فورسز کی جانب سے  محاصرہ اور تلاشی کا سلسلہ جاری تھا۔

پڑھنا جاری رکھیں

پاکستان

نئے چئیرمین نیب کیلئے حکومتی اتحاد جسٹس (ر)مقبول باقرکے نام پر متفق 

اسلام آباد: حکومتی اتحادی جماعتوں کی جانب سے چیئرمین قومی احتساب بیورو (نیب)   کیلئےجسٹس ریٹائرڈ مقبول باقر کے نام پر اتفاق ہوگیا ۔ 

پر شائع ہوا

Asma Rafi

کی طرف سے

نئے چئیرمین نیب کیلئے حکومتی اتحاد جسٹس (ر)مقبول باقرکے نام پر متفق 

ذرائع کے مطابق چیئرمین نیب جسٹس ریٹائرڈ جاوید اقبال کی جگہ نئے چیئرمین نیب  کیلئے سپریم کورٹ کے سابق جج جسٹس ریٹائرڈ مقبول باقر کے نام پر حکومتی اتحادی جماعتوں میں آپس میں اتفاق کیا گیا ہے۔

مسلم لیگ ن ،  پیپلز پارٹی اور دیگر اتحادی جماعتوں کے مابین نئے چیئرمین نیب کے نام پربا ضابطہ مشاورت ہوئی جس میں جسٹس (ر) مقبول باقر کے نام پر اتفاق کیا گیا ۔  سابق صدر آصف علی زرداری اور سابق وزیر اعظم نواز شریف نے بھی اس نام پر اتفاق کیا ہے ۔

جسٹس (ر) مقبول باقرسندھ ہائی کورٹ سےسپریم کورٹ میں پروموٹ ہوئے تھے جبکہ فوادحسن فواد کے نام پر حکومتی اتحادیوں میں اتفاق نہیں ہوسکا تھا ۔ ابتدائی طور پر فواد حسن فواد،جسٹس امیر مسلم ہانی ،   قمر الزماں اور بشیر میمن کے نام  بھی زیر غور لائے گئے ۔

ذرائع کے مطابق قومی اسمبلی میں اپوزیشن لیڈر اور پاکستان تحریک انصاف (پی ٹی آئی) کے منحرف رکن راجہ ریاض بھی جسٹس ریٹائرڈ مقبول باقر کے نام پر اتفاق کریں گے اور اگر کوئی رکاوٹ نہ آئی تو وہی نئے چیئرمین نیب ہوں گے۔

ذرائع کا کہنا ہے کہ وزیراعظم اور اپوزیشن لیڈر کے درمیان اتفاق کے بعد چیئرمین نیب کے نام کی سمری صدر کو ارسال کردی جائے گی۔

یاد رہے کہ موجودہ چیئرمین جسٹس (ر) جاوید اقبال کے عہدے کی مدت 2 جون کو ختم ہورہی ہے۔

 

پڑھنا جاری رکھیں

ٹرینڈنگ

Take a poll