نجی ہاؤسنگ سوسائٹی میں سیکیورٹی گارڈ کی فائرنگ، 3 مظاہرین جاں بحق

تفصیلات کے مطابق چن دا قلعہ کے قریب واقع  نجی ہاؤسنگ سوسائٹی  میں پیسوں  کی عدم ادائیگی  کے معاملے پر شہریوں نے احتجاج کیا،مظاہرین نے سوسائٹی کے گیٹ پردھاوا بول دیا جس پر  سکیورٹی گارڈ اور مظاہرین کے درمیان دست بدست لڑائی شروع ہوگئی۔

گوجرانوالہ میں ہاؤسنگ سوسائٹی اور زمین مالکان میں جھگڑا، فائرنگ اور پتھراؤ سے 9 افراد زخمی #BreakingNews #GNNUpdates #GNN #Gujranwala pic.twitter.com/PAWtA7wohz

— GNN (@gnnhdofficial) March 9, 2021

سکیورٹی گارڈ نے پہلے ڈنڈوں سے  مظاہرین کو نشانہ بنایا پھر ایک گارڈ نے فائرنگ کردی ، جس سے تین مظاہرین موقع پر ہی دم توڑ گئے  جبکہ بارہ افراد زخمی ہوگئے۔مشتعل افراد نے لاشیں جی ٹی روڈ پر رکھ کر ٹریفک بلاک کردی جس سے گاڑیوں کی لمبی لائنیں لگ گئیں اور  مسافر گھنٹوں خوار ہوتے رہے۔تاہم متاثرین  کے مطالبے پر پولیس نے  مالکان تین بھائیوں سمیت سات افراد کو گرفتار کرلیا ،جس پر لوگ منتشر ہوگئے۔