امریکی ادارے نے پاکستانی نوجوان کو ینگ سائنٹسٹ کا اعزاز دے دیا

تفصیلات کے مطابق ایبٹ آباد سے تعلق رکھنے والے عمیر مسعود کو امریکی ادارےلیب روٹ کی جانب سے ینگ سائنٹسٹ کا  اعزاز دیا گیا ہے۔یہ اعزاز دو الگ الگ سائنسی تحقیقات پر دیا گیا ہے جبکہ دو مقالے انھوں نے انٹرنیشنل کانفرنس آف مالیکیولر بیالوجی اینڈ بائیو کمیسٹری آسٹریلیا اور انٹرنیشنل کانفرنس آف ٹشو اینڈ ری جنریٹو میڈیسن امریکا میں پیش کیے تھے۔

عمیر مسعود نے اپنی تحقیق میں بتایا کہ موروثی بیماریوں کے شکار افراد کے مرض کا جلد اور سستے طریقے سے پتا چلایا جا سکتا ہے جبکہ کسی بھی جاندار کے جین حاصل کر کے کسی دوسرے کو منتقل کیے جا سکتے ہیں۔

یاد رہےعمیر مسعود کامسیٹس یونیورسٹی ایبٹ آباد میں بایو ٹیکنالوجی کے چوتھے سمیسٹر کے طالب علم ہیں۔