ڈسکہ ضمنی الیکشن ، لیگی قیادت کا حمزہ شہباز کو ضمنی انتخابات کی ذمہ داریاں سونپنے کا فیصلہ

تفصیلا ت کے مطابق   سیالکوٹ کی تحصیل ڈسکہ میں ضمنی انتخاب کا معاملہ، مسلم لیگ ن کی قیادت نے لیگی رہنما  حمزہ شہباز کو ضمنی انتخابات کی ذمہ داریاں سونپنے کا فیصلہ کرلیا۔نواز شریف کی جانب سے حمزہ شہباز کو ڈسکہ الیکشن کو بھرپور طریقے سے لڑنے کی ہدایت، نواز شریف اور شہباز شریف کیجانب سے ڈسکہ الیکشن کی تمام ذمہ داری حمزہ شہباز کو تفویض کر دی گئیں۔

حمزہ شہبازشریف اس سے قبل 25سے زائد ضمنی انتخابات جیتنے کا تجربہ رکھتے ہیں، حمزہ شہباز نے حکمت عملی مرتب کرنے کے لیے اپنی ٹیم کو گرین سگنل دے دیا۔حمزہ شہباز تقریبا 20 ماہ قید کے بعد سیاسی اننگز کو شروع کر رہے ہیں۔

واضح رہے کہ الیکشن کمیشن آف پاکستان نے ڈسکہ میں گزشتہ  ضمنی انتخاب کو کالعدم قرار دے کر 18 مارچ کو دوبارہ الیکشن کروانے کا حکم دے رکھا ہے۔