سعودی عرب میں انسانی چہرے نما چٹانیں 

عرب میڈیا کے مطابق  باحہ ریجن کے جبل شدا کی چٹانیں جیولوجیکل میوزیم کا درجہ رکھتی ہیں ۔ جنوبی سعودی عرب کے الباحہ ریجن میں واقع چٹانیں دیکھنے کے لیے دنیا بھر کے سیاح پہنچ رہے ہیں ،  کیونکہ یہ بناوٹ میں  منفرد شکل و صورت کی ہیں۔

تاریخ کے سکالر ناصر الشدوی نے عرب میڈیا کو بتایا کہ جبل شدا کوئی عام پہاڑ نہیں۔ یہ اپنی جیولوجیکل تشکیل کے حوالے سے مملکت اور بیرون مملکت سے آنے والے سیاحوں کا مرکز ہے ، جبل شدا کا ایک امتیاز یہ بھی ہے کہ یہاں پہنچ کر اندرونی توانائی محسوس ہوتی ہے ۔ ایسا لگتا ہے کہ آپ اندرونی سکون فراہم کرنے والے کسی تصور اورغور و فکر کے تجربے سے گزر رہے ہیں۔ 

یہ پہاڑ عجیب و غریب شکل و صورت والی چٹانوں سے بھرا ہوا ہے۔ یہاں موجود کئی چٹانیں ایسی ہیں جنہیں دیکھ کر کسی انسان کا گمان ہوتا ہے ۔ بعض چٹانیں ایسی ہیں جو کسی جانور یا کسی پرندے کی شبیہ دیتی ہیں ۔

ناصرالشدوی کا کہنا ہے کہ ’لاکھوں برس کے موسمی اثرات کی وجہ سے یہاں بازو دار باز کی چٹان اور مچھلی نما چٹان بھی نظر آتی ہے۔ مختلف شکل و صورت کو منعکس کرنے والی یہ چٹانیں سیاحت کے لیے آنے والوں کو اپنی جانب متوجہ کرتی   نظر آتی  ہیں۔

بشکریہ : العریبہ نیٹ