چندہ خورعناصرنے کینسر کے مریضوں سے سرکاری علاج کا حق بھی چھین لیا : مریم نواز

تفصیلات کے مطابق سماجی رابطے کی ویب سائٹ ٹویٹر پر پیغام میں    مسلم لیگ (ن) کی نائب صدر مریم نواز کا کہنا تھا کہ کینسر کے مریضوں کے لیئے مفت دوائی اس حکومت نے بند کی جو خود پاکستان کے لیئے کینسر بن چکی ہے۔  مریم نواز نے مزید کہا کہ کینسر کے مفت علاج کے نام پر چندہ خور عناصر نے اقتدار میں آکر کینسر کے مریضوں کے سرکاری علاج کا حق بھی چھین لیا۔

کینسر کے مریضوں کے لیئے مفت دوائی اس حکومت نے بند کی جو خود پاکستان کے لیئے کینسر بن چکی ہے۔
کینسر کے مفت علاج کے نام پر چندہ خور عناصر نے اقتدار میں آکر کینسر کے مریضوں کے سرکاری علاج کا حق بھی چھین لیا ۔ pic.twitter.com/4o76DJJUVy

— Maryam Nawaz Sharif (@MaryamNSharif) March 10, 2021

دوسری جانب لاہور میں  بلڈ کینسر کے مریضوں نے  مفت ادویات بند ہونے پر کلمہ چوک میٹرو ٹریک پر احتجاج  کیا اور میٹرو بس بند کر دی  ۔مظاہرین کا کہنا تھا کہ پنجاب حکومت کا مفت دوائی کی فراہمی کے لئے بین الاقوامی کمپنی سے معاہدہ ہوا تھا، 10 سال سے مفت دوائی استعمال کر رہے ہیں، 11 ماہ کمپنی، ایک ماہ حکومت مفت ادویات فراہم کرتی تھی۔ موجودہ حکومت نے ایک سال میں تیسری مرتبہ دوائی بند کی ہے، ایک ماہ کی ادویات کی قیمت ساڑھے تین لاکھ روپے ہے۔مظاہرین کاکہنا  ہے کہ  مفت دوائی کی فراہمی تک احتجاج جاری رہے گا۔