ضلعی انتظامیہ لاہور نے پی ایس ایل سیون کا پلان جاری کر دیا

تفصیلات کے مطابق  ڈی سی لاہور عمر شیر چٹھہ  کا کہنا ہے کہ  پی ایس ایل سیون کے دوسرے مرحلہ کا آغاز 07 فروری سے لاہور میں شروع ہونے جا رہا ہے، قذافی اسٹیڈیم لاہور میں 25 بیڈز پر مشتمل عارضی  ہسپتال قائم کیا جا رہا ہے۔ عارضی ہسپتال میں جناح ہسپتال کے 15 ڈاکٹرز،، 10 نرسز، 01 وارڈ سرونٹ، 01 وارڈ اٹینڈنیٹ، 01 سویپر اور 01 کلینر تعینات کئے گئے ہیں۔

ڈی سی لاہور کا کہنا ہے کہ پرل کا نٹیننٹل ہوٹل میں کھلاڑیوں کے میڈیکل کے لئے بھی ٹیم تشکیل دے دی گئی ہے، پرل کانٹیننٹل ہوٹل میں تعینات کئے گئے عملے کا تعلق سر گنگارام  ہسپتال سے ہے۔ میڈیکل کو تین شفٹوں میں تقسیم کیا گیا ہے، لاہو ویسٹ مینجمنٹ کمپنی واسا کے ساتھ ملکر 19 میچوں میں صفائی ستھرائی، بیت الخلاء اور شائقین کرکٹ کے بیٹھنے کے انتظامات کو یقینی بنائے گی۔

عمر شیر چٹھہ کا کہنا ہے کہ  اسٹیڈیم کی اندر کی صفائی کے لیے 151 افراد کو تعینات ہونگے، اسٹیڈیم کے باہر صفائی ستھرائی کے انتظامات کو یقینی بنانے کے لئے 60 سینیٹری ورکرز کو تعینات ہونگے، اسٹیڈیم سے ملحقہ 04 پارکنگ اسٹینڈ میں صفائی ستھرائی کے لئے 40 سینیٹری ورکرز تعینات ہونگے۔