ارشد ندیم نے ’’گلوبل بریک تھر واتھیلٹ آف دی ائیر‘‘ کا ایوارڈاپنے نام کر لیا

دبئی : قومی ہیرواورمعروف اتھلیٹ ارشد ندیم کوایک اورایوارڈمل گیا۔ جیولن تھرومیں پاکستان کے لئے گولڈمیڈل جیتنے والے اولمپئن ارشد ندیم کودبئی میں’’گلوبل بریک تھرو اتھلیٹ آف دی ائیر ‘‘کا ایوارڈ دیاگیا۔

تقریب کے دوران دبئی کے حکمران کے بیٹے شیخ منصور بن محمد بن راشد المکتوم نے انہیں شیخ محمد بن زاید ایوارڈ پیش کیا اور ان کو زبردست خراجِ تحسین پیش کیا۔

دوسری جانب وفاقی وزیر اطلاعات عطا تارڑ نے ارشد ندیم کو گلوبل اسپورٹس ایوارڈ ملنے پر مبارکباد دیتے ہوئے کہا کہ ارشد ندیم کو گلوبل اسپورٹس ایوارڈ ملنا پاکستان کیلئے اعزاز کی بات ہے، ارشد ندیم ہمارا فخر ہے۔

یاد رہے کہ ارشد ندیم نے پیرس اولمپکس 2024 میں 92.97 میٹر کی شاندار تھرو کرکے گولڈ میڈل اپنے نام کیا تھا۔ پاکستانی عوام نے دبئی میں گلوبل اسپورٹس ایوارڈ کی تقریب کے دوران ارشد ندیم کو ایوارڈ ملنے پر مبارکباد دی۔