آرمی چیف سے ازبک وزیر خارجہ کی ملاقات، باہمی دلچسپی کے امور پر گفتگو

پاکستانی فوج کے شعبہ تعلقات عامہ (آئی ایس پی آر) کے مطابق  آرمی چیف جنرل قمر جاوید باجوہ سے ازبک وزیر خارجہ کی ملاقات ہوئی ،  ڈی جی آئی ایس آئی لیفٹیننٹ جنرل فیض حمید بھی ملاقات میں موجود  تھے۔

 آئی ایس پی آر کا کہنا ہے کہ  اس    ملاقات میں باہمی دلچسپی کے امور اور افغان امن عمل پر بات چیت ہوئی، ملاقات میں خطے کی سیکورٹی کی صورتحال پر بھی بات چیت کی گئی، دونوں ممالک میں مختلف شعبوں میں تعاون بڑھانے پر بھی غور کیا گیا، دونوں اطراف کا خطے میں امن و استحکام کے لئے باہمی تعلقات مزید فروغ دینے پر اتفاق کیا گیا ۔ازبک وزیرخارجہ عبدالعزیز کاملیوف کا خطے میں امن و استحکام کیلئے پاکستان کے مثبت کردار کوسراہا۔