آصف زرداری کا چیئرمین سینیٹ سے ملاقات سے انکار

تفصیلات کے مطابق   سابق صدر آصف زرداری نے چیئرمین سینیٹ صادق سنجرانی سے ملاقات سے انکار کردیا۔سابق صدر آصف علی زرداری کا کہنا ہے کہ   موجودہ حالات میں صادق سنجرانی سے نہیں مل سکتا۔

چیئرمین سینیٹ صادق سنجرانی نے ووٹ مانگنے کیلئے آصف زرداری سے ملاقات کیلئے درخواست کی تھی، صادق سنجرانی نے پیپلزپارٹی کے اہم سینیٹرز کے ذریعے ملاقات کیلئے وقت مانگا تھا۔

گزشتہ روز چیئرمین سینیٹ صادق سنجرانی نے کہا تھا  کہ چیئر مین سینیٹ کے انتخاب کے لیے سب کے پاس ووٹ مانگنے جاؤں گا، چیئرمین پیپلز پارٹی کے پاس بھی جاؤں گااور اگر اپنے حریف یوسف رضا گیلانی کے پاس جانا پڑا تو بھی جاؤں گا۔

واضح رہے کہ سینٹ انتخابات کے معرکہ کے بعد حکومت اپوزیشن کے درمیان سیاسی میدان پرسوں ( 12 مارچ ) جمعہ کو سجے گا۔ جہاں چیئرمین سینٹ کے انتخاب کے لیے حکومت اپوزیشن پارٹیوں نے نمبر گیم پوری کرنے کی کوششوں کو تیز کر دیا ہے۔چیئرمین سینٹ کے لیے حکومت نے صادق سنجرانی اور پی ڈی ایم نے یوسف رضا گیلانی کو امیدوار نامزد کیا ہے۔