معروف مصنفہ بشری رحمٰن انتقال کرگئیں 

اُردو ادب کا ایک او ر بڑا نام دنیا سے رخصت ہوا ، بشری رحمٰن  اگست 1944ء میں بہاولپور میں پیدا ہوئیں ۔ انہوں  نے جامعہ پنجاب  سے ایم -اے صحافت کی سند حاصل کی ۔ بشریٰ رحمٰن کی شادی لاہور کے صنعتکار میاں عبدالرحمٰن سے ہوئی۔

2007ء میں مرحومہ بشری رحمن کو صدارتی اعزاز ستارہ امتیاز سے نوازا گیا ۔  انھوں نے اپنا سیاسی سفر 1983 میں شروع کیا,   بشریٰ رحمٰن 1985ء اور1988ء میں رکن پنجاب اسمبلی بنیں،  2002 ءاور 2008 ء میں مسلم لیگ ق کے ٹکٹ پر رکن قومی اسمبلی رہیں ۔ 

انہوں نے کئی کتابیں لکھیں جبکہ 17 سے زائد ناول  اور سفرنامے ان کے قلم کا شاخسانہ ہیں۔  ان کی تصانیف میں بت شکن۔چپ  (افسانے) پشیمان ، پیاسی اورچارہ گری،خوبصور ت عشق شامل ہیں ۔ قلم کہانیاں مولانا ابو الکلام آزاد، ایک مطالعہ ، چاند سے نہ کھیلو،  بہشت، لازوال ، دانا رسوئی ، صندل میں سانسیں چلتی ہیں ، بے ساختہ ، کس موڑ پر ملے ہو، اللہ میاں جی اور تیرے سنگ در کی تلاش (ناول ) میں  ،  ان کی ادبی شاہکار ہیں ۔

ان کے بے شمار ناولز کی ڈرامائی تشکیل بھی دی گئی  جنہیں لوگوں نے بے حد سراہا۔  بشری ٰ رحمن  چادر چاردیواری اور چاندنی کے نام سے کالم بھی لکھتی رہی ہیں ۔