چند وکیلوں نے ڈرامے کی شوٹنگ کے دوران ہراساں کیا، ہدایتکارہ سنگیتا کا الزام

لاہور: ماضی کی معروف اداکارہ ہدایتکارہ سنگیتا نے کہا ہے کہ میرے ڈرامے کی شوٹنگ کے دوران چند افراد نے ہراساں کیا توڑ پھوڑ کی،جبکہ انہوں نے اداکارہ صائمہ کو بھی بمشکل بچایا۔اعلیٰ حکام اس کا نوٹس لیں۔  

تفصیلات کے مطابق پریس کلب لاہور میں فنکاروں کے ہمراہ پریس کانفرنس کرتے ہوئے ہدایت کارہ سنگیتا نے ایک وکیل نے ساتھیوں سمیت میرے ڈرامہ کے سیٹ پر آ کر توڑ پھوڑ کی اور فنکاروں کو ہراساں کیا اس نے خود اس ڈرامے کے پروڈیوسر ہونے کا دعویٰ کیا۔

دوران پریس کانفرنس ہدایتکارہ سنگیتا نے مزید کہا کہ اداکارہ صائمہ نور کو بمشکل بچایا گیا مقدمہ درج کروا دیا اعلیٰ حکام اس پر نوٹس لیں۔

اس واقعے پر ردعمل دیتے ہوئے معروف ہدایت کار سید نور نے کہا کہ فلم انڈسٹری پر کڑا وقت ہے واقعہ افسوسناک ہے۔

پریس کانفرنس میں ہدایت کار سید نور، پرویز کلیم، کامران مجاہد، ندیم چیمہ، سیف علی اور دیگر بھی شریک ہوئے۔