25 گھنٹے 35 منٹ کا انٹرویو، عالمی ریکارڈ قائم

امریکی یونیورسٹی کے دو طالبعلموں نے ریڈیو پر 25 گھنٹے 35 منٹ تک ایک دوسرے کا انٹرویو لے کر گنیز ورلڈ ریکارڈ قائم کر لیا۔

ریاست اوہائیو میں زکیری سنوٹکو اور کولن کینیڈی نے براہِ راست انٹرویو منعقد کیا جسے انسٹاگرام اور ٹوئیچ پر بھی لائیو دکھایا گیا۔ زکیری سنوٹکو ہپ ہاپ 808s اور جان کیرل یونیورسٹی کے ڈبلیو جے سی یو-ایف ایم میں Mixtapes نامی شو کے ایگزیکیوٹیو پروڈیوسر ہیں. دونوں نے اپنے شو کا آغاز 5 فروری کو شام 7 بجے کیا، جبکہ اختتام 6 فروری ساڑھے 8 کیا۔

ورلڈ ریکارڈ کی ٹیم نے ابھی تک آفیشلی ان کے نام شامل نہیں کیے، تاہم ان کا کہنا ہے کہ دو تین ماہ کے اندر وہ اسے شامل کریں گے۔ موجودہ سب سے طویل ریڈیو انٹرویو 25 گھنٹے 26 منٹ طویل کے طور پر درج کیا گیا ہے، جو 8 نومبر 2021 کو بنایا گیا تھا لیکن جلد ہی اسے  اوہائیو کے ریڈیو جوکیز کے نام کر دیا جائے گا۔