نئے ایئر چیف کی تقرری کی منظوری، سمری وزیراعظم کو آج ارسال کی جائے گی

تفصیلات کے مطابق پاکستان ایئر فورس کے سربراہ ایئر مارشل مجاہد انور خان 18 مارچ کو  اپنے عہدہ سے سبکدوش ہوں گے۔ پاک فضائیہ کے سربراہ ائرچیف مارشل مجاہد انورخان کی الوداعی ملاقاتیں جاری ہیں۔

  ذرائع کا کہنا ہے کہ پاک فضائیہ کے نئے سربراہ کی تقرری کی منظوری کیلئے سمری  آج وزیراعظم کو ارسال کی جائے گی،  وزارت دفاع نے نئے ایئرچیف کیلئے پاک فضائیہ کے 4 سینئرترین افسران کے نام تجویز کیے ہیں، نئے ایئر چیف کے لئے ایئر مارشل نعمان علی، ایئر مارشل ظہیر احمد بابر، ایئر مارشل جواد سعید، ایئر مارشل حسیب پراچہ کے ناموں پر مشتمل سمری بھجوائی جائے گی ۔ پاک فضائیہ کی کمان کی تبدیلی 18 مارچ کو پی اے ایف ہیڈ کوارٹر میں ہو گی   ، جس میں سبکدوش ہونے والے ایئر چیف کمان نئے سربراہ کو سونپیں گے۔