انڈونیشیا میں زلزلے کے شدید جھٹکے 

تفصیلات کے مطابق  انڈونیشیا کے  جزیرے سماٹر ا کے مغربی ساحل کے قریب جمعہ (آج) زلزلے کے شدید جھٹکے محسوس کیے گئے ہیں ۔  یونائیٹڈ اسٹیٹس جیولوجیکل سروے (یو ایس جی ایس) کے مطابق زلزلے کے جھٹکے سنگاپور اور ملائیشیا سمیت  مغربی سماٹرا صوبے کے قریبی شہروں پڈانگ اور ریاؤ صوبے کے پیکن بارو میں بھی محسوس کیے گئے۔

6.2 کی شدت کا زلزلہ صبح 8:30  بجے آیا ، زلزلے کی گہرائی شمال میں  12 کلومیٹر (7.5 میل)  ریکارڈ کی گئی ہے ۔ تاہم سونامی کی کوئی وارننگ جاری نہیں کی گئی ۔  زلزلے سے فوری طور پر  جانی و مالی نقصان کی کوئی اطلاع موصول نہیں ہوئی ہے ۔ حکام نے لوگوں کو ہوشیار رہنے کا مشورہ دیا ہے ۔ 

اس سے قبل جنوری میں بھی  جاوا جزیرے پر 6.6 شدت کا زلزلہ آیا تھا  جس نے لوگوں کو نقل مکانی پر مجبور کردیا تھا ۔