مولانا فضل الرحمن اور نواز شریف کے درمیان ٹیلیفونک رابطہ

ذرائع کے مطابق پی ڈی ایم سربراہ مولانا فضل الرحمان اور مسلم لیگ ن کے قائدنواز شریف  میں ٹیلیفونک رابطہ ہوا ہے جس میں موجودہ ملکی سیاسی صورتحال پر تبادلہ خیال  کیا گیا جبکہ وزیراعظم عمران خان کے خلاف تحریک عدم اعتماد کے معاملے پر مشاورت ہوئی۔

ذرائع کا کہنا ہے کہ دونوں رہنماؤں نے تحریک عدم اعتماد کے لئے  نمبر گیم  پر  اطمینان  کا اظہار کیا  اور پلان کو عملی جامع پہنانے  کی حکمت عملی سے متعلق بات چیت کی۔

ذرائع کے مطابق مولانا فضل الرحمن نے سابق وزیراعظم میاں نوازشریف کو اپوزیشن کی حکومت مخالف  پیش قدمی بارے تفصلات سے آگاہ کیا،  دونوں رہنماوں نے موجودہ حکومت سےجلد از جلد قوم کو نجات دلانے پہ اتفاق کیا۔