دوران سماعت عمر ایوب نے عدالت کو بتایا کہ ان پر 63 ایف آئی آرز درج ہیں، جن میں پیشی کے لیے انہیں کم از کم ایک ماہ کا وقت درکار ہے

پشاور: قومی اسمبلی میں اپوزیشن لیڈراو رہنما پاکستان تحریک انصاف (پی ٹی آئی ) عمر ایوب عمر ایوب کو وقتی ریلیف مل گیا،پشاور ہائیکورٹ نے عمر ایوب کی 8 اگست حفاظتی ضمانت منظور کر تے ہوئے ان کو متعلقہ فورمز سے رجوع کرنے کا حکم دے دیا۔
تفصیلات کے مطابق پشاور ہائیکورٹ میں عمر ایوب کی 9 مئی مقدمات سے متعلق حفاظتی ضمانت کی درخواست پر سماعت ہوئی،کیس کی سماعت پشاور ہائیکورٹ کے جج جسٹس ارشد علی اور جسٹس فرح جمشید نے کی۔
دورانِ سماعت عمر ایوب کے وکیل نے مؤقف اختیار کیا کہ ان کے مؤکل مختلف عدالتوں میں اپیل دائر کرنا چاہتے ہیں، لیکن گرفتاری کے خدشے کے باعث پیش نہیںکر پا رہے۔
دوران سماعت وکیل نے عدالت سے استدعا کی کہ انہیں ریلیف دیا جائے تاکہ وہ قانونی چارہ جوئی کے عمل کو جاری رکھ سکیں۔
اس موقع پر اسسٹنٹ اٹارنی جنرل نے عدالت کو بتایا کہ عمر ایوب عدالتی کارروائیوں میں پیش نہیں ہوتے، اسی لیے ان کے خلاف وارنٹ گرفتاری جاری کیے گئے۔
جس پر عدالت نے ریمارکس دیے کہ درخواست گزار عدالت کے سامنے پیش ہو چکے ہیں، اس لیے انہیں صرف محدود ریلیف دیا جا رہا ہے، عدالت نے واضح کیا کہ اپیل دائر کرے لیکن وارنٹ تو اپنی جگہ برقرار رہیں گے۔
سماعت کے دوران عمر ایوب نے عدالت کو بتایا کہ ان پر 63 ایف آئی آرز درج ہیں، جن میں پیشی کے لیے انہیں کم از کم ایک ماہ کا وقت درکار ہے۔
انہوں نے مزید کہا کہ اے ٹی سی سرگودھا نے انہیں 9 مئی کے ایک مقدمے میں بری کر دیا ہے تاہم اسی نوعیت کے کیس میں اے ٹی سی فیصل آباد نے ان کی غیر موجودگی میں سزا سنا دی ہے۔
دوران سماعت عدالت نے فریقین کے دلائل سننے کے بعد فیصلہ محفوظ کر لیا اور بعد ازاں اپوزیشن لیڈر عمر ایوب کو 8 اگست تک حفاظتی ضمانت دینے کا حکم جاری کر دیا۔
خیال رہے کہ یہ ریلیف عمر ایوب کو اس وقت ملا ہے جب وہ متعدد مقدمات کا سامنا کر رہے ہیں، جن میں اکثریت 9 مئی کے پُرتشدد واقعات سے جڑی ہوئی ہیں۔
عدالت کی طرف سے دی گئی یہ حفاظتی ضمانت انہیں ان مقدمات میں وقتی تحفظ فراہم کرتی ہے تاکہ وہ متعلقہ فورمز پر اپنی اپیلیں دائر کر سکیں۔
واضح رہے کہ 9 مئی مقدمات میں انسداددہشت گردی عدالت (اے ٹی سی)نے اپوزیشن لیڈر عمر ایوب سمیت متعدد پی ٹی آئی رہنماؤں کو دس دس سال قید کی سزا سنائی ہے۔

امریکی ٹیرف کے بعد بھارتی روپیہ ڈالر کے مقابلے میں تاریخی کم ترین سطح پر پہنچ گیا
- 6 گھنٹے قبل

دریائے سندھ میں انتہائی اونچے درجے کے سیلاب کا خطرہ، این ڈی ایم اے کا ہنگامی الرٹ جاری
- 5 گھنٹے قبل

اسحاق ڈار اور آرمینیائی وزیر خارجہ کے مابین ٹیلیفونک رابطہ، سفارتی تعلقات کے قیام پرغور
- 9 گھنٹے قبل

تین ملکی ٹی ٹوئنٹی سیریز کا آغاز: پاکستان کا افغانستان کے خلاف بیٹنگ کا فیصلہ
- 8 گھنٹے قبل

ایرانی صدر کا وزیراعظم سے ٹیلیفونک رابطہ، سیلابی صورتحال میں مدد کی پیشکش
- 8 گھنٹے قبل

حکومت کا سیلاب متاثرین کو بجلی بلوں میں ریلیف دینے کا فیصلہ
- 5 گھنٹے قبل

تحریک انصاف کے مزید ارکان کا کمیٹیوں سے استعفیٰ، پارٹی نے پارلیمانی عمل سے مکمل لاتعلقی اختیار کرلی
- 5 گھنٹے قبل

ملک میں ہفتہ وار مہنگائی کی شرح 3.57 فیصد تک جا پہنچی، ٹماٹر، آٹا اور چکن مزید مہنگے
- 5 گھنٹے قبل

ایشیا ڈیولپمنٹ بینک کی پاکستان کے سیلاب متاثرین کے لیے 3 ملین ڈالر کی ہنگامی امداد
- 7 گھنٹے قبل

راولپنڈی: گاڑی میں دم گھٹنے کے باعث دو بچے جاں بحق ہوگئے
- 9 گھنٹے قبل

وزیر آباد میں فلڈ ریلیف کیمپ عارضی نکلا، مریم نواز کے دورے کے بعد متاثرین واپس، کیمپ بند
- 5 گھنٹے قبل

ایرانی صدر کا سیلاب متاثرین سے اظہارِ یکجہتی، پاکستان کو ہر ممکن مدد کی پیشکش
- 5 گھنٹے قبل