مولانا فضل الرحمان کی پی ڈی ایم جماعتوں کو اسمبلیوں سے استعفوں کی تجویز

تفصیلات کے مطابق   پی ڈی ایم کے سربراہی اجلاس کی تاریخ تبدیل کردی گئی،  پی ڈی ایم کا سربراہی اجلاس 15 مارچ کی بجائے 16 ماررچ کو ہوگا۔ مولانا فضل الرحمان نے پی ڈی ایم جماعتوں کو اسمبلیوں سے استعفوں کی تجویز دے دی۔مولانا کا پی ڈی ایم کے سیکریٹری جنرل شاہد خاقان عباسی سے رابطہ کیا۔مولانا نے اسمبلیوں سے استعفوں کی تجویز تمام جماعتوں کے سربراہان کو بھیجوادی۔پی ڈی ایم کے سربراہی اجلاس میں اسمبلیوں سے استعفوں کی تجویز پر بھی مشاورت کی جائے گی۔

مولانا فضل الرحمان نے تجویز دی ہے کہ  لانگ مارچ کے ساتھ اسمبلیوں سے استعفے بھی دینے چاہیئے، استعفوں کے ساتھ ہی لانگ مارچ مؤثر ہوسکتا ہے۔

واضح رہے کہ  پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمان نے اپوزیشن کی تمام پارٹیوں کے پارلیمانی اراکین سے  اپنا استعفیٰ 31 دسمبر تک پارٹی قائدین کے پاس جمع کروانے کا کہا تھا۔

دوسری جانب وزیر اعظم عمران خان نے اعلان کیا ہوا ہے کہ اگر  اپوزیشن نے استعفے دیے تو ہم اُن نشتوں پر ضمنی الیکشن کروادیں گے۔انہوں نے کہا  تھا کہ اگر اپوزیشن پراعتماد ہے تو میں اُن سے زیادہ پراعتماد ہوں، جو جو استعفیٰ دے گا اس کی نشست پر ضمنی الیکشن کروادیں گے۔