ٹنڈواللہ یار : تیز رفتار ڈمپر کی رکشہ کو ٹکر،4 افراد جاں بحق

جی این این کے مطابق  پیارو  کے قریب غلام حسین لنک روڈ پر افسوس ناک حادثہ پیش آیا جہاں تیزرفتار ڈمپر نے  رکشہ کو ٹکر ماردی  ۔حادثہ اتنا شدید تھا کہ رکشے میں سوارچاروں  4 افراد موقع پر ہی  جاں بحق ہوگئے ۔   جاں بحق ہونے والوں میں 2 بچے،ایک خاتون اور ایک مرد شامل ہیں ۔

حادثے  کی اطلاع ملتے ہی ریسکیو اور پولیس  اہلکار موقع پر پہنچ گئے اور جاں بحق افراد کی لاشیں ہسپتال منتقل کر دیں ۔  پولیس نے ڈمپر ڈرائیور کو گرفتار کر لیا  ۔