لاہور ہائیکورٹ ، لیگی کارکنوں نے شہباز گل پر انڈے اور سیاہی پھینک دی

تفصیلات کے مطابق شہبازگل لاہور ہائیکورٹ میں کیس میں پیش ہونے کیلئے پہنچے تھے لیکن وہاں پر پہلے سے ہی ن لیگی کارکنان موجود تھے ، ایک کارکن کی جانب سے شہبا ز گل پر انڈہ پھینکا اور جسے حکومتی ترجمان کے ساتھ موجود پی ٹی آ ئی کارکنان نے دھر لیا اور شدید تشدد کا نشانہ بنایا ، بتایا جارہاہے کہ ن لیگی کارکن میڈیاسیل کا رکن ہے اور اس نے گلے میں کارڈ بھی پہن رکھاہے ، اس شخص کو پولیس نے فوری حراست میں لے لیاہے ۔ 

بعدازاں شہباز گل نے میڈیا سے گفتگومیں کہا کہ  میرا خیال ہے سیاہی پھینکی گئی ہے، اور یہ اپنے کالے کرتوں کی سیاہی پھینک رہے ہیں شہباز گلانہوں نے کہا کہ یہ غنڈہ گردی ہے میں بالکل ٹھیک ہوں  ہم ایک تھپڑ کے جواب میں دس تھپڑ نہیں ماریں گے ۔ واضح رہے کہ آج لاہور ہائیکورٹ میں مریم نوازکی ضمانت منسوخی سے متعلق کیس کی سماعت ہوئی جس حوالے سے ن لیگی کارکنان کی بڑی تعداد پہلے ہی ہائیکورٹ میں موجود تھی ۔