26 سالہ بھارتی اداکارہ کار حادثے میں ہلاک 

بھارتی میڈیا رپورٹس کے مطابق اداکارہ  ہولی منانے کے بعد  دوست کے ساتھ گھر واپسی کے راستے میں تھیں، گاڑی کی تیز رفتاری کے باعث ڈرائیور نے  اس کا کنٹرول کھو دیا اور فُٹ پاتھ سے ٹکرا کر اُلٹ گئی۔

حادثے میں 26 سالہ اداکارہ موقع پر دم توڑ گئیں، انہیں اسپتال لے جایا گیا تو ڈاکٹروں نے ان کی موت کی تصدیق کی۔ بھارتی میڈیا کے مطابق حادثے میں  ایک اور  38 سالہ خاتون نے بھی موقع پر  دم توڑ دیا جبکہ کئی افراد کے زخمی ہونے کی اطلاعات ہیں ۔ 

گایتری کا اصل نام  ڈولی ڈی کروز تھا ،  انہوں نے اپنے یوٹیوب چینل ’جلسا رائیڈو‘  اور انسٹاگرام پر اپنی   دلکش پوسٹس کے ذریعے شہرت حاصل کی  ، بعد ازاں انہیں ویب سیریز ’میڈم سر میڈم انتھے‘ میں بھی اداکاری کے جوہر دکھائے ۔ اداکارہ نے کئی مختصر فلموں میں بھی کام کیا ۔ ان کی اچانک موت نے سوشل میڈیا کی دنیا کے ساتھ ساتھ تیلگو فلم انڈسٹری کے  مداحوں کو سوگوار  کردیا ہے ۔