پرائیڈ آف پرفارمنس آرٹسٹ عماد صمدانی لاہور میں انتقال کرگئے 

لاہور: پرائیڈ آف پرفارمنس کا اعزاز حاصل کرنے والے مشہور آرٹسٹ عماد صمدانی لاہور میں انتقال کرگئے ۔

وہ کینسر کے مرض میں مبتلا تھے۔ان کی عمر پینسٹھ برس کے  قریب تھی ۔

عماد صمدانی کو سینکڑوں سوگواروں کی موجودگی میں سپر ٹاؤن  والٹن کینٹ کے مقامی قبرستان میں سپرد خاک کر دیا گیا ، عماد صمدانی کو  دس برس کی عمر سے پینٹنگ کا شوق تھا۔ 

انہوں نے ملکی اور بین الاقوامی سطح پر اپنے فن سے پاکستان کا نام روشن کیا۔ عماد صمدانی کی سو سے زائد پینٹنگز کی نمائش ہوچکی ہیں۔