پنجاب میں تبدیلی کیلئے  مثبت اشارے ملے ہیں : جہانگیر ترین  کو عون چوہدری کی بریفنگ 

تفصیلات کے مطابق ترین گروپ کے رہنما عون چوہدری  نے جہانگیر ترین کو  بریفنگ میں بتایا کہ وفاقی وزیر  پرویز خٹک نے ملاقات کی ، پرویز خٹک نے کہا ہے کہ ابھی ترین گروپ اپنے فیصلے روک لے، اس ملاقات میں پنجاب میں تبدیلی کے لئے مثبت اشارے ملے ہیں، جبکہ پنجاب کی اہم شخصیات نے بھی ترین گروپ کے رہنماؤں سے ملاقات کی ہے۔

عون چوہدری کے مطابق جہانگیر ترین نے کہا ہے کہ گروپ متحد رہے اور مشاورت سے فیصلے کرے۔ عون چوہدری نے جہانگیر ترین کی خیریت بھی دریافت کی  ، عون چوہدری کے مطابق جہانگیر ترین ڈاکٹرز کی اجازت کی صورت میں ایک ہفتے میں وطن واپس آسکتے ہیں۔

خیال رہے کہ دو روزقبل وزیرِ دفاع پرویز خٹک نے رات گئے اپنی جماعت پاکستان تحریکِ انصاف (پی ٹی آئی) سے تعلق رکھنے والے جہانگیر ترین گروپ کے رہنما عون چوہدری سے رابطہ کیا تھا ۔