عدم اعتماد پر ووٹنگ تین اپریل کو ہوگی : شیخ رشید 

تفصیلات کے مطابق اسلام آباد میں پریس کانفرنس کرتے ہوئے وزیرداخلہ  شیخ رشید نے کہا کہ ابھی 31 تاریخ کو عدم  اعتماد پر بحث ہوگی جس کے بعد ووٹنگ تین اپریل کو ہوگی، تحریک عدم  اعتماد کا فیصلہ آخری گھنٹے تک جائے گا۔

انہوں  نے کہا کہ سیاست میں جیت ہار ہوتی ہے لیکن ایک بات طے ہے کہ قوم عمران خان کے ساتھ ہے یہ جلسے نے ثابت کیا ہے۔ ان کاکہنا تھا کہ اللہ نے کرم کیا ، دھرنے، جلسے جلوس اور اوآئی سی کانفرنس سمیت تمام ایونٹ امن و امان سے ہوئے۔

انہوں  نے کہا کہ کوشش ہے تین تاریخ کو اپوزیشن 172 بندے پورے نہ کرسکے، میں بہت گھبراہٹ میں تھا لیکن اللہ نے دکھایا لوگ عمران کے ساتھ ہیں، چاہے الیکشن کا رزلٹ کچھ بھی ہو۔

انہوں نے کہا کہ جلسہ توفضل الرحمٰن کا تھاباقی مہمان اداکار تھے، سیاست میں بعض لوگ جیت کر بھی ہارجاتےہیں۔عمران خان آخری گیند تک مقابلہ کرےگا،ہم اسکےساتھ کھڑےہیں۔شیخ رشید نے کہا کہ وزیر اعلیٰ پنجاب بزدار کا نوٹی فکیشن جاری کریں گے۔

شیخ  رشید  نے کہا کہ فوری الیکشن کا حامی ہوں، حج کے بعد الیکشن ہونے چاہئیں، عمران خان اچھا بجٹ دیں۔

انہوں نے کہا کہ چوہدری برادران میں بغاوت کی خبر غلط تھی، ایم کیو ایم کا فیصلہ بہت فیصلہ کن ہوگا۔