شہباز گِل نے انڈے اور سیاہی پھینکنے والے ملزمان کو معاف کر دیا

تفصیلات کے مطابق  گزشتہ روز  لاہور ہائیکورٹ میں شہباز گل پر گندے انڈے اور سیاہی پھینکنے والےملزمان غلام عباس ،میاں عتیق اور طارق جٹ کو آج جوڈیشل مجسٹریٹ کی عدالت میں پیش کیا گیا ۔شہباز گل کے وکیل نے عدالت کو بتایاکہ ملزمان نے کل ہائیکورٹ کے احاطے میں شہباز گل پر گندے انڈے اور سیاہی پھینکی، جس سےان کی آنکھ متاثر ہوئی ہے۔جس پر عدالت نے تینوں ملزموں کو 3 روزہ جسمانی ریمانڈ پر پولیس کے حوالےکردیا۔

دوسری جانب شہباز گل نے سماجی رابطوں کی ویب سائٹ پر ٹویٹ کرتے ہوئے کہا کہ وہ حملہ کرنے والوں کو معاف کرتے ہیں،کسی غریب اور ناسمجھ کو جیل میں نہیں دیکھنا چاہتے۔

کل عدالت میں لیگی قیادت کی ایماء پرمجھ پرحملہ کیا گیا. اخلاق سے گرے لوگ غریب دیہاڑی دار افراد خصوصاً خواتین کا استعمال کر رہے ہیں۔میں حملہ کرنے والوں کو معاف کرتا ہوں-میں کسی غریب اور نا سمجھ کو جیل میں نہیں دیکھنا چاہتا۔پولیس سے گذارش ہے کہ ان کے ساتھ کوئی برا سلوک نہ کیا جائے

— Dr. Shahbaz GiLL (@SHABAZGIL) March 16, 2021

شہباز گل نے سوشل میڈیا پر اپنے بیان میں کہا کہ عدالت میں لیگی قیادت کی ایما پر ان پر حملہ کیا گیا، اخلاق سے گرے لوگ غریب دیہاڑی دار افراد خصوصاً خواتین کو استعمال کر رہے ہیں ، پولیس سے گزارش ہےکہ ملزموں کے ساتھ برا سلوک نہ کرے۔