90 دن سے زیادہ الیکشن آگے لےجانا آئین کی سنگین خلاف ورزی ہو گی: فواد چودھری

مائیکرو بلاگنگ ویب سائیٹ ٹوئیٹر پر جاری پیغام میں فواد چودھری نے کہا کہ الیکشن کمیشن کو اپنے مؤقف پر نظرثانی کرنی چاہیے۔

ان کا کہنا تھا کہ 90 دن سے زیادہ الیکشن کو آگے لے جانے کی کوشش آئین کی سنگین خلاف ورزی ہو گی۔

فواد چودھری نے کہا کہ ملک کی معیشت 7 ماہ کی سیاسی افراتفری برداشت نہیں کر سکتی۔

اپنے پیغام میں انہوں نے کہا کہ پاکستان کو سری لنکا نہیں بننے دے سکتے۔

انہوں نے مؤقف اختیار کیا کہ جلد از جلد سیاسی استحکام کے لیے الیکشن 90 دن کے اندر لازم ہیں۔

الیکشن کمیشن کو اپنے مؤقف پر نظرثانی کرنی چاہئے،90 دن سے زیادہ الیکشن کو آگے لےجانے کی کوشش آئین کی سنگین خلاف ورزی ہو گی،معیشت سات ماہ کی سیاسی افراتفری برداشت ہی نہیں کر سکتی پاکستان کو سری لنکا نہیں بننے دے سکتے جلد از جلد سیاسی استحکام کیلئے الیکشن نوے دن کے اندر لازم ہیں https://t.co/S3DYYOeqsc

— Ch Fawad Hussain (@fawadchaudhry) April 7, 2022

واضح رہے کہ الیکشن کمیشن آف پاکستان نے اکتوبر سے قبل ملک میں انتخابات کروانے سے معذرت کی ہے۔

الیکشن کمیشن آف پاکستان نے 90 دن میں الیکشن کرانے سے معذرت کرتے ہوئے صدر مملکت کو جواب  بھجوایا ہے۔

الیکشن کمیشن کا کہنا ہے کہ الیکشن کا انعقاد اکتوبر میں ممکن ہوگا، شفاف اور غیرجانبدارانہ  الیکشن کے لیے اضافی 4 ماہ  درکار  ہیں۔