احتیاط کریں ورنہ سخت پابندیاں لگائیں گے : اسد عمر نے قوم کو خبردار کردیا

تفصیلات کے مطابق وفاقی وزیر اوراین سی اوسی کے  سربراہ اسد عمر نے سماجی رابطے کی ویب سائٹ ٹوئٹر پر پیغام میں کہا ہے کہ  کورونا کیسز میں تیزی سے اضافہ دیکھنے میں آیاہے ،    اسپتال میں اہم نگہداشت کے مریض تیزی سے بڑھ رہے ہیں ۔  احتیاط نہ کی تو ہر قسم کی سرگرمیوں پر پابندی لگانے پر مجبور ہوں گے ۔ انہوں نے عوام سے اپیل کرتے ہوئے کہا کہ برائے مہربانی ! بہت احتیاط کریں  کیونکہ یہ نیا وائرس انتہائی مہلک اور تیزی سے پھیلنے والا ہے ۔

Sharp spike in covid positivity. Hospital daily admissions & people in critical care rising fast. If sop compliance does not improve, we will be forced to place stronger restrictions on activities. Please be very very careful. The new strain spreads faster and is more deadly.

— Asad Umar (@Asad_Umar) March 18, 2021

واضح رہے کہ ملک میں کورونا  وائرس کے مثبت کیسز اوراموات میں ایک بارپھر تیزی سے اضافہ دیکھنے میں آیا ہے ، نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  پاکستان میں  گزشتہ 24 گھنٹوں میں 61مزید مریض انتقال کرگئے، جبکہ گزشتہ 24 گھنٹوں میں تین ہزار495 کیسز رپورٹ ہوئے ہیں ۔ملک میں کورونا کے فعال کیسز کی تعداد 24 ہزار 592ہے، اب تک کورونا کے  6 لاکھ 15ہزار 810کیسز رپورٹ ہوچکے ہیں ۔پنجاب میں کورونا مریضوں کی تعداد ایک لاکھ91ہزار 186ہوگئی ۔ جبکہ صوبے میں اب تک 5 ہزار896افراد جان سے ہاتھ دھو بیٹھے ہیں ۔سندھ میں کورونا وائرس سے سب سے زیادہ متاثرہ مریضوں کی تعداد  2 لاکھ 62 ہزار 207ہو گئی جبکہ صوبے میں اب تک 4 ہزار469 افراد جان کی بازی ہار گئے ، خیبرپختون خوا میں کورونا وائرس سے متاثرہ مریضوں کی تعداد 77 ہزار   443ہوچکی ہے ۔ صوبے میں 2188افراد چل بسے۔

بلوچستان میں کورونا وائرس کے اب تک 19 ہزار269کیسز رپورٹ ہوئے ہیں جبکہ صوبے میں 202 مریض چل بسے ۔وفاقی دارالحکومت اسلام آباد میں مجموعی طورپرمتاثرہ افراد کی تعداد 49 ہزار 476جبکہ اموات کی تعداد 531 تک جاپہنچی ۔گلگت بلتستان میں اب تک 4 ہزار 965 افراد کورونا کا شکار ہوئے ہیں جبکہ 103افراد جان سے ہاتھ دھو بیٹھے ۔ آزاد جموں کشمیرمیں کورونا سےمتاثرہ افراد کی تعداد 11 ہزار264 ہوچکی ہے جبکہ 328افراد جان کی بازی ہار گئے ۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق گزشتہ  24گھنٹوں میں  1634 افراد کورونا وائرس  کوشکست دےچکے ہیں۔ ملک بھر میں ابتک5لاکھ77ہزار501مریض کورونا کو شکست دے چکے ہیں ۔