ہمسایہ ممالک کیساتھ مذاکرات کی بناء پر مسائل حل کرنے کیلئےتیار ہیں: آرمی چیف

تفصیلات کے مطابق آرمی چیف جنرل قمر جاوید باجوہ   نے نیشنل سکیورٹی ڈائیلاگ کی تقریب سے خطاب  کرتے ہوئے کہاکہ نیشنل سکیورٹی ڈویژن ڈائیلاگ  وقت کی ضرورت ہے، ہمیں خطے کی خوشحالی کےلیے آگے بڑھناہے۔سیکیورٹی چیلنجز کے باوجود پاکستان ہتھیاروں کی دوڑ میں شامل نہیں ہوا۔ ہمسایوں کے ساتھ تمام  تنازعات پرامن اور باوقار مذاکرات سے حل کرنا چاہتے ہیں۔

آرمی چیف نے  مزید کہا کہ آج دنیاکومختلف طرز کی دہشت گردی کا سامنا ہے  ، ان  چیلنجز سے نبردآزماہونےکیلئےہمہ  جہت حکمت عملی اپنانےکی ضرورت  ہے ۔   پاکستان خطے میں سکیورٹی خطرات کےباوجود دفاع کے اوپرکم خرچ کر رہاہے، سیکیورٹی اخراجات بڑھانے کے لیے انسا نی ترقی کی قربانی دینا پڑتی ہے۔ انہوں نے کہا کہ افغانستان میں امن خطے میں امن کی ضمانت ہے، ہم افغانستان میں قیام امن کے  لیے تعاون فراہم  کررہے ہیں۔پاک افغان بارڈر پر مارکیٹوں کا قیام عمل میں لایا گیا جب کہ امریکا اور طالبان کے درمیان معاہدہ پاکستان کی کوششوں سے ہوا ،  جنرل قمر جاوید باجوہ کا کہنا تھا کہ افغانستان بھی سی پیک سے فائدہ اٹھا سکتا ہے۔ خطے میں امن ہوگا تومعیشت  مضبوط ہوگی اور تمام ممالک  امن سے رہ سکیں گے۔

آرمی چیف نے کہا کہ  پاکستان اور بھارت میں کشیدگی کی بڑی وجہ مسئلہ کشمیر ہے، ہم چاہتے ہیں کشمیر کا مسئلہ کشمیریوں کی امنگو ں کے مطابق حل ہو،  پاکستان خطے میں ایک ذمہ دار ملک ہے۔ خطے میں قیام ا من سے دیگر ممالک کی خوشحالی جڑی ہے۔وقت آگیا ہے کہ  اپنے ماضی سے سبق سیکھ کر مستقبل کی طرف بڑھیں ۔پاکستان  اور بھارت کے درمیان اچھے تعلقات خطے میں ترقی کے ضامن ہیں ۔ ہمارے ہمسائے کو مسئلہ کشمیر حل کرنا ہوگا کیونکہ مستحکم پاک و ہند تعلقات مشرقی اورمغربی ایشیاء کو قریب لاسکتے ہیں۔  انہوں نے کہا کہ سی پیک اہم اقتصادی منصوبہ ہے لیکن پاکستان کو صرف سی پیک کی آنکھ سے دیکھنا غیر منطقی ہے۔