دادو : آگ لگنے سے 70 سے زائد گھر خاکستر ،8 بچے اور ایک خاتون جاں بحق

جی این این کے مطابق ضلع دادو کی تحصیل میہڑ اور خیرپورناتھن شاہ میں قیامت صغری برپا ہوگئی ، آتشزدگی سے 8 بچے اور ایک خاتون جاں بحق،8 سے زائد افراد زخمی ہوگئے ۔

آگ لگنے سے   70 سے زائد گھر  بھی خاکستر ہو گئے، گھروں میں پڑا اناج جل گیا جبکہ مویشی جھلس کر ہلاک  ہوگئے ۔

جاں بحق بچوں میں 6 سالہ تہمینہ، 8 سالہ سکینہ، 4 سالہ مور اور 5 سالہ عبدالرسول  اور دیگر شامل ہے۔ جاں بحق افراد کی لاشیں اور جھلسنے والوں کو سول ہسپتال میہڑ منتقل کر دیا گیا ۔

متاثرین کا کہنا ہے کہ فائر بریگیڈ کو کال کی تومیونسپل انتظامیہ نے بتایا کہ فائر بریگیڈ ایک ہفتے سے  خراب ہے ۔

آتشزدگی سے گاؤں فیض محمد دریائی میں 50 سے  جبکہ گاؤں صالح ماچھی میں بھی 25  سے زائد   گھر جل گئے۔