گوگل نے جی میل صارفین کے لیے ایک اہم اور تاریخی اپ ڈیٹ متعارف کرادی

کیلیفورنیا: گوگل نے اہم اپ ڈیٹ کرتے ہوئے پہلی بار جی میل ایڈریس کی تبدیلی کا فیچر متعارف کرا دیا، صارفین اپنی مرضی سے نیا ایڈریس منتخب کر سکیں گے۔

تفصیلات کے مطابق نئی اپ ڈیٹ کے ذریعے صارفین سروس کی 20 سالہ تاریخ میں پہلی بار اپنا بنیادی جی میل ایڈریس تبدیل کرنے کے قابل ہو سکیں گے،گوگل کی جانب سے یہ اپ ڈیٹ جدید اے آئی فیچرز پر مبنی ایک جامع منصوبے کا حصہ ہے۔ جس میں تصاویر، جی میل اور دیگر سروسز میں جیمنائی اے آئی کا گہرا انضمام شامل ہے۔

9 ٹو 5 گوگل کے مطابق تازہ ترین اپ ڈیٹ صارفین کو ہر 12 ماہ میں ایک بار اپنا بنیادی جی میل ایڈریس تبدیل کرنے کی اجازت دے گا اور انہیں صرف تین تبدیلیاں کرنے کی اجازت ہوگی۔

اس حوالے سےسائبر سیکیورٹی ماہرین کا کہنا ہے کہ یہ اپ ڈیٹ ان کی ڈیجیٹل شناخت کو نئی جہت دینے اور آن لائن حفاظت کو بڑھانے کی سہولت مہیا کرے گا۔

جبکہ تازہ ترین ای میل ایڈریس پر سوئچ کر کے اور اسے کلیدی اکاؤنٹس میں اپ ڈیٹ کر کے، صارفین غیرمتعلقہ پیغامات کی نمائش، مارکیٹنگ ڈیٹا بیس، اور پرانے ایڈریس سقے منسلک ممکنہ ڈیٹا کی خلاف ورزیوں کو کم کر سکتے ہیں۔

اس کے بعد سابقہ ای میل ایڈریس کو شاذ و نادر ہی استعمال ہونے والی خدمات تک محدود کیا جا سکتا ہے، جی میل آئلرز صارفین کو آنے والے پیغامات کو آسانی سے ہینڈل کرنے کی اجازت دیتے ہیں۔

گوگل کے مضبوط اسپام (غیرمتعلقہ پیغامات) تحفظ کے باوجود، ماہرین نے صارفین کو خبردار رہنے کی تلقین کی، کیونکہ یہ فول پروف نہیں ہے۔

الفابیٹ کی ملکیت والے گوگل نے تصدیق کی ہے کہ یہ فیچر بتدریج شروع ہو رہا ہے، لہٰذا اگر آپ کو ابھی تک یہ فیچر نہیں ملا ہے، تو یہ مستقبل قریب میں آپ کیلئے قابل رسائی ہو جائے گا۔