سندھ حکومت کا آتشزدگی سے متاثرہ تاجروں کی مالی ا مداد کا اعلان

کراچی:وزیراعلیٰ سندھ مراد علی شاہ نے کہا ہے کہ گل پلازہ میں لگنے والی آگ ایک افسوسناک واقعہ ہے، 60 لوگوں کے لاپتہ ہونے کی اطلاعات ہیں۔

وزیراعلیٰ کا کہنا تھا کہ آگ لگنے کی وجہ تاحال معلوم نہیں ہو سکی ہے، لوگ باتیں بناتے ہیں میں کراچی سے باہر تھا،انتشار پھیلانے والے لوگوں کی بات کا جواب دینا مناسب نہیں،حکومت اپنا کام کر رہی ہے،انہوں نے کہا کہ سندھ حکومت پلازہ کے تاجروں کی مالی مدد کرے گی ، تاجروں کے نقصان کا ازالہ کریں گے۔

مراد علی شاہ نے مزید کہا کہ عمارت کے اندر آگ بجھانے کیلئے کوئی انتظامات نہیں تھے ، بغیر کسی اسٹڈی کے کئی منزلہ عمارت بنانے کی اجازت دی گئی۔

دوسری جانب گل پلازہ میں آتشزدگی کے افسوس ناک واقعے پر آل کراچی تاجر برادری نے کل یومِ سوگ منانے کا اعلان کیا ہے۔

تاجر برادری کے مطابق یومِ سوگ کے دوران کاروباری سرگرمیاں جزوی طور پر معطل رہیں گی جبکہ جاں بحق افراد کے لیے دعا اور متاثرین سے یکجہتی کا اظہارِ کیا جائے گا۔