حج کے خواہشمند افراد کیلئے کورونا ویکسین لازمی قرار

تفصیلات کے مطابق  سعودی عرب نے حج  کے خواہشمند  افراد کیلئے کورونا ویکسین  لازمی قرار دیدی۔سعودی وزارت صحت کی جانب سے جاری بیان میں کہا گیا  ہے کہ   رواں سال حج کی ادائیگی کے خواہشمند سعودی شہری یا غیر ملکی اقامہ ہولڈرز ہیں انہیں چاہئیے کہ وہ ذوالحجہ سے قبل کورونا ویکسی نیشن کا کورس مکمل کر   لیں۔

سعودی  حکام نے کہا ہے کہ مملکت آمد سے کم ازکم 2 ہفتے قبل ویکسین کاکورس مکمل کرلیں اور مملکت آنےسے72گھنٹےقبل پی سی آرٹیسٹ کرانالازمی ہوگا۔

سعوی وزارت صحت کی جانب سے جاری  بیان کے مطابق  عازمین حج کو انکی رہائش گاہوں سے مقررہ پروگرام اور احتیاطی تدابیر کے تحت نکالا جائے گا جن میں سماجی فاصلے کا اصول اور ماسک کی پابندی لازمی ہوگی۔ہجوم کوکنٹرول کرنےکیلئےعازمین کے گروپس مرتب کیے جائیں گے، ہرگروپ میں100افرادسےزیادہ شامل نہیں ہوں گے۔

واضح رہے کہ اس سے قبل سعودی عرب کے وزیر برائے صحت ڈاکٹر توفیق الربیعہ نے کہا  تھا کہ رواں سال حج ادائیگی کے لیے آنے والے عازمین کو کرونا ویکسین لازمی لگوانا ہوگی۔انہوں نے مزید کہا تھا کہ حج سیزن سے قبل مکہ مکرمہ اور مدینہ منورہ میں کرونا کی روک تھام کے حوالے سے اقدامات کیے جائیں گے۔